Tum Bin Kayi Raaton Se Main Soyi Nahi Lyrics 2019
Tum Bin Kayi Raaton Se Main Soyi Nahi Baba.
Kya Yaad Sakina Tumhein Aayi Nahi Baba.
Yaad Aata Hai Woh Aap Ka Seene Pe Sulana.
Munh Chomna Our Gaud Mein Shafqat Se Bithana.
Nanay Se Mere Hathon Ko Aankhon Se Lagana.
Ab Pochne Wala Mera Koi Nahi Baba.
Farmaya Tha Yeh Aap Ne Matti Pe Sula Kar.
So Jana Jahan Tujh Ko Sulaye Teri Madar.
Yeh Dekhiye Baithi Hoon Main Zindaan Ki Zameen Par.
Main Aaj Bhi Iss Baat Ko Bholi Nahi Baba.
Deta Tha Saza Shimar Youn Balon Se Pakar Kar.
Doraye Chala Jata Tha Rahwar Sitamgar.
Majboor Thi Doron Youn Hi Ghoron Ke Barabar.
Halat Woh Meri Aap Ne Dekhi Nahi Baba.
Main Kaise Kahon Kaisi Thi Oss Waqt Ghareebi.
Milne Ko Humein Aayi Thi Jab Hind Ki Beti.
Pehne Howay Kano Mein Woh Mere Hi Gohar Thi.
Ramla Se Magar Kuch Bhi Main Boli Nahi Baba.
Ik Moor Pe Zalim Ne Sataya Mujhe Aise.
Le Aaya Mujhe Woh Sar-e-Abbas Ke Aagay.
Our Samne Unke Mujhe Mare they Tamachay.
Sab Seh Gayi Chup Chaap Main Roi Nahi Baba.
Poti Hoon Main Zahra Ki Bas Ik Baar Kaha Tha.
Woh Sang Giray Mujh Pe Laho Itna Baha Tha.
Chehra Mera Maa Se Bhi Na Pehchana Gaya Tha.
Ab Ghar Ka Hawala Kabhi Deti Nahi Baba.
:AKBAR: Kaha Bibi Ne Kamar Kham Hoi Meri.
Dadi Ki Tarha Chahai Hai Baloon Pe Safaidi.
Fizza Ki Tarha Chayi Hai Chehray Pe Zaeefi.
Ab Jeene Ki Khuwaish Bhi Tu Baqi Nahi Baba.
Poet: :Hasnain Akbar:
Noha KhuwaN: :Syed Raza Abbas Zaidi:
Noha Volume: :Syed Raza Abbas Zaidi 2019-20:
Composition: :Ustad Intezar Hussain Khan:
New Nohay Lyrics 1441 Hijri 2019
#NohayLyrics
#tajpoint
Tum Bin Kayi Raaton Se Main Soyi Nahi Raza Abbas Zaidi
Tum Bin Kayi Raaton Se Main Soyi Nahi Lyrics 2019 Write Up Poster Image
