Bin Baazoun Kay Utra Hai Abbas Zeen Se Mir Hasan 2023

Haye Kulsoom Ro Ke Kehti Thin Umm Ul-Banin Se.
Bin Bazuon Ke Utra Hai Abbas Zeen Se.

Kulsoom Ro Ke Kehti Hain Umm Ul-Banin Se.
Bin Bazuon Ke Utra Hai Abbas Zeen Se.

Umeed Pyasay Bachoon Ki Mujh Se Jori Rahe.
Woh Chahta Tha Mashk-e-Sakina Bachi Rahe.
Youn Teer Rokta Raha Apni Jaben Se.

Baba Ka Zakhm Yaad Hai Gehra Tha Kis Qadar.
Aisay Hi Tha Do Neem Mere Ba Wafa Ka Sar.
Haider Ki Tarha Khon Tha Jari Jaben Se.

Ik Aankh Mein Tha Teer Tu Ik Aankh Mein Lahu.
Khaimay Ki Rah Dhond Raha Tha Woh Chaar So.
Ik Gurz Ne Gira Diya Bekas Ko Zeen Se.

Roh-e-Ali Ke Bain They Haye Mera Safeer.
Sar Par Bhi Gurz Bazu Juda Aankh Mein Bhi Teer.
Badlah Mera Liya Hai Mere Janeshen Se.

Saqqa Haram Ka Dasht Mein Be Jan Ho Gaya.
Ab Marna Hussain Ko Aasan Ho Gaya.
Yeh Shoor Uth Raha Tha Sipah-e-Laeen Se.

Ghazi Ki Maut Haal Yeh Zainab Ka Kar Gayi.
Lagta Tha Jaisay Sani-e-Zahra Bhi Mar Gayi.
Aisay Giri Woh Jaisay Gira Bhai Zeen Se.

Amma Main Apne Betay Ka Matam Na Kar Saki.
Had Yeh Hai Qaid Ho Ke Main Jab Sham Ko Chali.
Bazu Utha Ke Chom Na Payi Zameen Se.

:AKBAR: Behan Yeh Boli Ghazab Ki Jafa Hoi.
Asghar Ke Jaisi Lash Mere Bhai Ki Bachi.
Abid Ne Oss Ke Tukray Chunay Hain Zameen Se.

Poet: :Hasnain Akbar:
Noha Khuwan: :Mir Hasan Mir:
Noha Volume: :Mir Hasan Mir 2023-24:
Composition: :Mir Hasan Mir:

#BinBaazounKay
#NohayLyrics
#tajpoint