Ummat Ne Be Khata Ko Sum De Ke Maar Dala Lyrics In Urdu 2019
Ummat Ne Be Khata Ko Sum De Ke Maar Dala.
Farzand Tha Ali Ka Our Fatima Ka Pala.
Yeh Kis Ne Pehal Kar Ke Maiyyat Pe Teer Mara.
Dono Jahan Mein Oss Ka Howa Hai Munh Jo Kala.
Phir Kalma Go Uthay Hain Our Dafan Par Hai Jhagra.
Kis Ne Fasad Ka Yeh Pehlu Hai Phir Nikala.
Dosh-e-Nabi Ka Raqib Gunbad Mein Ja Na Paye.
Islamiyo Nahi Hai Kya Zulm Yeh Nirala.
Zainab Ne Aaj Dekhey Tukray Dil-e-Hasan Ke.
Kis Sanp Ke Zehar Ka Yeh Phat Gaya Hai Chala.
Dafan-e-Shabbar Pe Ummat Hargiz Na Jhagra Karti.
Rakhti Nazar Mein Gar Yeh Ahmad Ka Woh Mubahila.
Aoulad-e-Zahra Ko Ab Tak Samajh Na Payi.
Aisa Laga Kufar Ka Ummat Ke Dil Pe Tala.
Al Hasan-o-Wal Hussain Ki Aayat Ko Bholi Ummat.
Bholay Quran Our Yeh Hadees Ka Hawala.
Parhtay Ho Kalma Jis Ka Hai Yeh Nawasa Oss Ka.
Kalmay Ka Pehla Waris Kyun Tum Ne Mar Dala.
Baba Ke Rozay Pe Agar Qabiz Hoi Hai Ummat.
Le Aao Pas Mere Meri Aankh Ka Ujala.
Poet: :Banda e Momin:
Qadeemi Noha Khuwan Party Baba Manzoor Hussain Jafri – Late
28 Safar Imam Hasan Shahadat Qadeemi Noha Sialkot
#UmmatNeBeKhataKo
#NohayLyrics
#tajpoint
