Sarwar Ko Marna Hai To Akbar Ko Mar Do Mesum Abbas Lyrics In Urdu
Aapas Mein Kar Rahe They Sitamgar Yeh Mashwara.
Sarwar Ko Marna Hai Tu Akbar Ko Mar Do.
Marna Hai Iss Jawan Ka Marna Hussain Ka.
Sarwar Ko Marna Hai To Akbar Ko Mar Do.
Kantay Paray Hain Pyas Se Iss Ki Zaban Par.
Lekin Taras Na Khaiyo Sarwar Ki Jan Par.
Pichey Se Chup Ke Waar Karo Iss Jawan Par.
Hoga Yeh Waar Mutlabi Khandan Par.
Bach Kar Na Jane Paye Yeh Tasveer-e-Mustafa.
Sarwar Ko Marna Hai To Akbar Ko Mar Do.
Aagay Barho Rasool Ki Khaiti Ujaar Do.
Neza Jawan Lal Ke Seene Mein Gar Do.
Zahra Ke Our Ali Ke Kalejay Ko Phaar Do.
Jaldi Karo Hussain Ki Sansein Ukhar Do.
Mar Jaein Gay Hussain Agar Yeh Juda Howa.
Sarwar Ko Marna Hai To Akbar Ko Mar Do.
Sabar-o-Raza Ki Had Se Guzar Jaein Gay Hussain.
Lekin Pisar Ka Dagh Na Seh Paein Gay Hussain.
Aisa Jigar Kahan Se Bhala Laein Gay Hussain.
Akbar Ki Lash Dekh Ke Mar Jaein Gay Hussain.
Unn Ko Shikast Deney Ka Hai Aik Rasta.
Sarwar Ko Marna Hai Tu Akbar Ko Mar Do.
Humshakal-e-Mustafa Hai, Nirala Hai Yeh Jawan.
Yeh Bhi Rahe Khiyal Keh Aala Hai Yeh Jawan.
Zahra Ke Poray Ghar Ka Ujala Hai Yeh Jawan.
Bint-e-Ali Ki Gaud Ka Pala Hai Yeh Jawan.
Iss Nojawan Mein Hai Basa Dil Hussain Ka.
Sarwar Ko Marna Hai Tu Akbar Ko Mar Do.
Atharah Saal Paal Ke Jis Ko Jawaan Kiya.
Woh Dilbar-e-Hussain Hai Humshakal-e-Mustafa.
Yeh Gham Hussain Par Hai Musayab Ki Inteha.
Betay Ka Sehra Dekh Na Paein Shah e Huda.
Inam Tum Yazid Se Lena Bohat Bara.
Sarwar Ko Marna Hai Tu Akbar Ko Mar Do.
Charon Taraf Se Ghair Ke Maro Issay Sina.
Dil Tak Jo Jaye Toor Ke Akbar Ki Pasliyaan.
Dekhein Jo Zakhm Shah Tu Niklay Badan Se Jaan.
Ho Jaein Iss Deyar Mein Be Aas Be Amma.
Akbar Ke Baad Jee Nahi Saktay Shah e Huda.
Sarwar Ko Marna Hai Tu Akbar Ko Mar Do.
Yawar Koi Nahi Hai Woh Kis Ko Bulaein Gay.
Tanha Hussain Lasha-e-Akbar Pe Aaein Gay.
Jab Apne Nojawan Ko Zindah Na Paein Gay.
Khud Maut Ko Hussain Galay Se Lagaein Gay.
Khanjar Ko Sonp Dein Gay Woh Sokha Howa Gala.
Sarwar Ko Marna Hai Tu Akbar Ko Mar Do.
Sarwar Ko Aik Pal Na Sakoon Our Qarrar Do.
Iss Sakht Imtehan Se Sheh Ko Guzar Do.
Pusht-e-Fars Se Khak Pe Iss Ko Utar Do.
Barchi Uthao Seena e Akbar Pe Mar Do.
Tukray Kaleja Hoga Issi Gham Se Dekhna.
Sarwar Ko Marna Hai Tu Akbar Ko Mar Do.
Maqtal Ki Simt Doortay Jate Rahe Hussain.
Aankhon Se Khoon Ke Ashk Bahatay Rahe Hussain.
Girtay They Jab Tu Khud Ko Uthatay Rahe Hussain.
Ro Ro Ke Yeh Sada Bhi Lagatay Rahe Hussain.
Abbas Foaj-e-Sham Ka Narah Suno Zara.
Sarwar Ko Marna Hai Tu Akbar Ko Mar Do.
:WAIZ: Bhi Ashkbar Hai, :MEESUM: Bhi Noha Gar.
:MAZHAR: Bhi Ro Raha Hai Hussain-e-Ghareeb Par.
Sun Kar Biyaan Yeh Rota Hai :SURANI: Har Bashar.
Baithay Laeen Chain Se Akbar Ko Mar Kar.
Lekin Fiza Mein Gaunj Rahi Thi Yehi Sada.
Sarwar Ko Marna Hai To Akbar Ko Mar Do.
Poet: :Waiz Sultanpuri:
Poet: :Ali Raza Surani:
Azafi Ashar
Poet: :Mazhar Abidi:
Noha Khuwaan: :Mesum Abbas:
Noha Volume: :Mesum Abbas 2026-27:
Composition: :Shabih Abbas Arfi:
#SarwarKoMarna
#NohayLyrics
#tajpoint
Sarwar Ko Marna Hai To Akbar Ko Mar Do Mesum Abbas Lyrics In Urdu 2026 Write Up Poster Image
