Hoon Kis Tarha Se Musaib Raqam Sakina Ke Lyrics In Urdu 2017
Hoon Kis Tarha Se Musaib Raqam Sakina Ke.
Laho Rula Gaye Abid Ko Gham Sakina Ke.
Behan Se Bichari Madina Se Karbala Ayi.
Watan Se Door Osse Sham Mein Qaza Ayi.
Thi Umar Thori Zyda Alam Sakina Ke.
Addo Ne Qatal Kiye Oss Ke Akbar-0-Asghar.
Chacha Bhi Mare Gaye Baap Na Raha Sar Par.
Naseeb Ban Gaye Joor-o-Sitam Sakina Ke.
Pehan Ke Rasiyaan Hathon Mein Woh Bhi Qaidi Bani.
Thi Zulm-o-Joor Aseeron Ke Sath Sehti Rahi.
Tamache Lagte Rahe Har Qadam Sakina Ke.
Uthaye Hathon Pe Lasha Bemar Rota Raha.
Paraye Dais Mein Oss Ko Kafan Bhi Mil Na Saka.
Keh Dukh Howay Nahi Mar Kar Bhi Kam Sakina Ke.
Ali Ke Bacho Ka Matam Hayat Hai Apni.
Khuda Gawah Yeh :SAHIL: Najat Hai Apni.
Jo Pursa Dar Abad Tak Hain Hum Sakina Ke.
Poet: :Irfan Sahil Gujranwala:
#SakinaKe
#NohayLyrics
#tajpoint
Hoon Kis Tarha Se Musaib Raqam Sakina Ke Lyrics In Urdu 2017 Write Up Poster Image
