Sakina Jaag Jaye Gi Shahid Baltistani Lyrics In Urdu 2007
Machao Shoor Na Logo Sakina Jaag Jaye Gi.
Meri Zanjeer Na Khaincho Sakina Jaag Jaye Gi.
Kabhi Bachi Ko Takta Hai Kabhi Aanso Bahata Hai.
Dar-e-Zindan Pe Baitha Musafri Sab se Kehta Hai.
Zara Aaram Se Guzro Sakina Jaag Jaye Gi.
Kissi Bhi Zulm Pe Jo Aah Ki Khatir Woh Lab Khulte.
Tarap Kar Abid-e-Beemar Yeh Kehta Tha Honton Se.
Agar Yeh Aah Nikli Tu Sakina Jaag Jaye Gi.
Agar Olad Wale Ho Tumhein Yeh Sab Pata Ho Ga.
Adhori Neend Se Uth Jaye Jo Bachi Tu Kya Ho Ga.
Khudara Shimar Ko Roko Sakina Jaag Jaye Gi.
Abhi Zindan Mein Ho Jaye Ga Kuhram Phir Barpa.
Woh Aahat Sun Ke Samjhe Gi Keh Shayad Aa Gaye Baba.
Dar-e-Zindan Na Kholo Sakina Jaag Jaye Gi.
Yeh Wadah Hai Mera Pani Nahi Mangon Ga Main Tum Se.
Woh Jab Uth Jaye Tu Jee Bhar Ke Be-Shak Marna Dure.
Abhi Be-Kas Ko Na Maro Sakina Jaag Jaye Gi.
Abhi Aazad Ho Tum Qaid Ke Matlab Ko Kya Jano.
Parindo Choor Do Zindan Meri Iltija Mano.
Chale Jao na Youn Chehko Sakina Jaag Jaye Gi.
Sar-e-Zindaan Sakina Ko Qaza Ki Neend Kya Aayi.
Kissi Se Kuch Nahi Kehta Iss Mazloom Ka Bahi.
Keh Ab Yeh Dar Nahi Oss Ko Sakina Jaag Jaye Gi.
Saf-e-Matam Se Abid Ka Yeh :AKBAR: Bain Aata Hai.
Isse Bas Baap Ke Purse Mein Hi Ab Chain Aata Hai.
Sada Matam Ki Na Roko Sakina Jaag Jaye Gi.
Poet: :Hasnain Akbar:
Noha Khuwan: :Shahid Baltistani:
Noha Volume: :Shahid Baltistani 2007-08:
#SakinaJaagJayeGi
#NohayLyrics
#tajpoint
Write Up Sakina Jaag Jaye Gi Shahid Baltistani Lyrics In Urdu 2007 Poster Image
