Ghurbat e Shabbir Pe Youn Bekasi Roti Rahi Lyrics 2013
Ghurbat e Shabbir Pe Youn Bekasi Roti Rahi Hamid Baltistani.
Maut Matam Kar Rahi Thi Zindagi Roti Rahi.
Waqt-e-Zibha Shah Ke Zainab Ki Jab Nazrein Milein.
Bhai Bhi Rota Raha Humsheer Bhi Roti Rahi.
Kaat Kar Shabeer Ka Sar Hath Mein Khanjar Liye.
Shimar Tu Hansta Raha Bint-e-Ali Roti Rahi.
Sath Le Aayi Jigar Akbar Ka Naizay Ki Anni.
Maa Issi Manzar Pe Sari Zindagi Roti Rahi.
Ran Mein Jab Ghazi Gira Bin Bazoon Ke Khak Par.
Hath Pehlu Par Rakhay Bibi Koi Roti Rahi.
Qabar Par Asghar Ki Maa Ne Jane Kya Wadah Kiya.
Umar Bhar Woh Dhop Mein Bethi Rahi Roti Rahi.
Shimar Chadar Loot Kar Kehta Tha Ghazi Ko Bola.
Sar Jhukaye Fatima Ki Ladli Roti Rahi.
Beriyaan Pehne Hoye :AKBAR: Woh Parhta Tha Namaz.
Dekh Kar Abid Ke Sajday Bandagi Roti Rahi.
Poet: :Hasnain Akbar:
Noha Khuwan: :Hamid Baltistani:
Noha Volume: :Shahid Baltistani 2013-14:
#GhurbateShabbir
#NohayLyrics
#tajpoint
Ghurbat e Shabbir Pe Youn Bekasi Roti Rahi Lyrics 2013 Write Up Poster Image
