Bas Maula Bulalain Ali Shanawar Lyrics Urdu 2024
Bas Maula Bulalain Ali Shanawar Lyrics
Roz Azadaron Ke Hum Qafilay Dekhtey Hain Karbala Jate Hoye, Hum Ko Bhi Sarkar Bola Lijiye.
Sab Ki Sada Karbala, Sab Ki Dua Karbala, Pocho Azadaron Se Tu Sab Yeh Kahin Gay.
Bas Maula Bola Lein, Sun Le Sadaein, Hum Ko Dikhaein Karb-o-Bala.
Kash Humein Hazrat-e-Abbas Bola Lein Karb-o-Bala Ka Humein Dedar Kara Dein.
Hussain, Ya Hussain.
Karb-o-Bala Jane Azadar Hai.
Karb-o-Bala Ishq Ka Darbar Hai.
Karb-o-Bala Janat-e-Zawwar Hai.
Sara Jahan Jis Ka Talabgar Hai.
Karb-o-Bala Jan Hai, Sab Ka Yeh Arman Hai.
Roza-e-Shabbir Pe Sab Mil Ke Chalein Gay.
Hum Ne Hamesha Se Yehi Hai Suna.
Maal Se Dolat Se Nahi Wasta.
Jis Pe Karam Hota Hai Abbas Ka.
Loag Wohi Jate Hain Karb-o-Bala.
Ghazi Bola Lo Humein Roza Dikha Do Humein.
Hum Tu Bas Ab Tum Se Hi Faryad Karein Gay.
Ab Bhi Croron Hain Mohib Aap Ke.
Karb-o-Bala Jo Ke Nahi Aa Sakay.
Dil Mein Ziyaraat Ki Hasrat Liye.
Kehte Hain Maula Humein Bulwaiye.
Ya Shah-e-Karb-o-Bala, Unn Ki Bhi Sun Lo Sada.
Woh Bhi Bulaway Ka Intezar Karein Gay.
Aana Hai Hum Ko Mere Maula Wahan.
Asghar-o-Qasim, Ali Akbar Jahan.
Hoon Gay Shaheedon Ke Musayab Biyaan.
Karna Hai Phir Matam-e-Tashna Labaan.
Ganjay Shaheedan Ka Gham, Sham-e-Ghareebaan Ka Gham.
Hum Wahan Ashora-o-Chehlum Bhi Karein Gay.
Dekhna Hai Manzar-e-Karb-o-Bala.
Door Thi Kitni Woh Nehar Alqama.
Jis Jagah Maula Ne Di Hal Min Sada.
Jis Jagah Khaimay Jalay Sab Kuch Luta.
Ghazi Gira Tha Jahan, Roi Sakina Jahan.
Noha Parhein Gay Wahan Matam Bhi Karein Gay.
Karb-o-Bala Walay Shaheedo Salam.
Aap Ka Sheda Hai Yeh Aalam Tamam.
Dil Pe Likhe Hain Jo Bahatar Yeh Naam.
Yaad Rakhein Gay Yeh Tumhare Ghulam.
Aap Se Wadah Raha, Aaein Gay Jab Karbala.
Aa Ke Salam Aap Ko So Bar Karein Gay.
Aana Hai Hum Ko Ya Hussain Aana Hai Hum Ko.
Haan Ganjay Shaheedan Pe Haan Nehar-e-Alqama Pe.
Aana Hai Hum Ko Ya Hussain Aana Hai Hum Ko.
Haan Aana Hai Hum Ko Maqam-e-Kaf-e-Abbas.
Haan Khaima e Sadaat.
Aana Hai Hum Ko Ya Hussain Aana Hai Hum Ko.
Haan Maqam-e-Ali Asghar, Haan Maqam-e-Ali Akbar.
Woh Roza-e-Shabbir, Woh Roza-e-Abbas.
Hum Sab Ki Hai Yeh Aas, Bas Maula Bola Lein.
Poet: :Jawad Jafri, Nadeem Sarwar:
Noha Khuwan: :Ali Shanawar:
Noha Volume: :Nadeem Sarwar 2024-25:
Composition: :Nadeem Sarwar, Ali Shanawar, Ali Ji:
#BasMaulaBulalain
#NohayLyrics
#tajpoint
New Noha Bas Maula Bulalain Ali Shanawar Lyrics
2024 Noha Bas Maula Bulalain Ali Shanawar Lyrics
Bas Maula Bulalain Ali Shanawar Lyrics Urdu 2024 Write Up Poster Image
