Aye Rab-e-Jahan, Panjtan Pak Ke Khaliq Lyrics In Urdu and Roman Urdu
اے ربِ جہاں پنجتنؑ پاک کے خالق
Iss Qaoum Ka Daman Gham-e-Shabir Se Bhar De.
Bachon Ko Atta Kar Ali Asghar Ka Tabasum.
Burhoon Ko Habib Ibn-e-Muzahir Ki Nazar De.
Kam Sin Ko Mile Walwalaye Aoun-o-Muhammad.
Har Ik Jawaan Ko Ali Akbar Ka Jiggar De.
Maoun Ko Sikha Sani-e-Zahra Ka Saleeqa.
Behno Ko Sakina Ki Duaon Ka Asar De.
Ya Rab Tujhe Bimari Abid Ki Qasam Hai.
Bimar Ki Raton Ko Shifa Yaab Sahar De.
Muflis Pe Zar-o-Maal-o-Jowahir Ki Ho Barish.
Maqroz Ka Har Qarz Adda Gaib Se Kar De.
Paband-e-Rasan Zainab-o-Kulsoom Ka Sadqa.
Be Jurm Aseeron Ko Rehai Ki Khabar De.
Jo Maein Bhi Roti Hain Beyad-e-Ali Asghar.
Unn Maoun Ki Aagosh Ko Ulaad Se Bhar De.
Jo Haq Ke Tarafdar Hoon Wo Hath Atta Kar.
Jo Majlis-e-Shabir Ki Khatir Ho Wo Ghar De.
Qismat Ko Faqat Khak-e-Shifa Baksh De Maula.
Main Yeh Nahi Kehta Ke Mujhe Lal-o-Gohar De.
Aankhon Ko Dikha Roza-e-Mazloom Ka Manzar.
Qadmon Ko Najaf Tak Bhi Kabhi Izan-e-Safar De.
Jo Chadar-e-Zainab Ki Azadar Hain Maula.
Mehfoz Rahein Aysi Khawateen Ke Parde.
Gham Koi Na De Hum Ko Siway-e-Gham-e-Shabir.
Shabir Ka Gham Bant Raha Hai Tu Idhar De.
Kab Tak Rahoon Duniya Mein Yateemon Ki Tarha Main?.
Waris Mera Parde Mein Hai, Zahir Osse Kar De.
Manzoor Hai Khowabon Mein Hi Aaqa Ki Ziyarat.
Parwaz Ki Khowaish Mein Na Jibreel Ke Par De.
Jiss Dar Ke Sawali Hain Farishte Bhi Bashar Bhi.
Awarah Manzil Hoon Mujhe Bhi Wohi Dar De.
Joo Deen Ke Kaam Aaye Wo Ulad Atta Kar.
Joo Kat Ke Bhi Uncha Hi Nazar Aye Wo Sir De.
Kheraat Dar-e-Shah-e-Najaf Chahiye Mujhe Ko.
Salman-o-Abu Zar Ki Tarha Koi Hunar De.
Sehraon Mein Abid Ki Musafat Ke Sile Mein.
Bhatke Howay Rahro Ko Samar Dar Shajar De.
Sar Par Ho Sada Parcham-e-Abbas Ka Saya.
:MOHSIN: Ki Dua Khatam Aab Iss Ko Asar De.
Poet: :Mohsin Naqvi Shaheed:
#AyeRabeJahan
#DuaLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
