Suno Arsh Walo Suno Farsh Walo Main Sehra Ali Ka 2016

Suno Arsh Walo Suno Farsh Walo Main Sehra Ali Ka Sunane Chala Hoon.

Jo Sun Kar Ye Sehra Hain Jalte Hamesha Unhein Our Bhi Jalane Chala Hoon.

Parho Tere Dada Ki Shadi Ka Manzar Aye Mere Imam-e-Zamana(AS) Madad Kar.
Tasawar Mein Har Aik Momin Mohib Ko Ali(AS) Ka Barati Banane Chala Hoon.

Khuda Kehta Ho Ga Agar Hota Kaba Mere Ghar Se Hi Jati Barat Iss Ki.
Ye Mera Wali Hai So Is Ke Liye Main Madine Ko Kaba Banane Chala Hoon.

Khuda Ke Wali Ki Hai Shadi Ka Moqa Siwaye Cheragon Ke Kuch Na Jale Ga.
Kaha Ye Farishte Ne Hukm-e-Khuda Se Main Naar-e-Jahanum Bhujane Chala Hoon.

Atta Kar Ke Haider(AS) Ko Zahra(SA) Si Zooja Pukara Falak Par Ye Mabood Mera.
Ali(AS) Ne Banai Hai Qismat Jahan Ki Ali(AS) Ki Main Qismat Banane Chala Hoon.

Khuda Keh Raha Tha Muhammad(SAWW) Falak Par Kayi Baar Aye The Zahra(SA) Ki Khatir.
So Mairaj Ta Ab Niya Main Thikana Dar-e-Murtaza(AS) Ko Banane Chala Hoon.

Ghari Rukhsati Ki :TAKALLAUM: Jab Ayi Hijab-e-Ilahi Se Awaz Ayi.
Ali(AS) Meri Sorat Hai Zahra(SA) Ayat Main Ayat Ko Sorat Se Milane Chala Hoon.

Poet: :Mir Takallum Mir:
Manqabat Khuwan: :Mir Hasan Mir:
Manqabat Volume: :Mir Hasan Mir 2015-16:

#ManqabatLyrics
#tajpoint

Suno Arsh Walo Suno Farsh Walo Main Sehra Ali Ka 2016