Janab e Fizza Manqabat Mir Hasan Mir Lyrics Urdu 2009
Janab e Fizza Manqabat Mir Hasan Mir.
Qulzam-e-Sabar-o-Itaat Ki Rawani Fizza.
Hai Zaeefi Mein Aqeeday Ki Jawani Fizza.
Aal-e-Imran Ki Pakeeza Nishani Fizza.
Khud Hi Hai Lafz-e-Wafa Khud Hi Mani Fizza.
Jis Mein Kantay Nahi Hotey Woh Chaman Hai Fizza.
Had Hai Zahra Ne Kaha Meri Behan Hai Fizza.
Tum Ne Hasnain Ki Maa Ban Ke Hifazat Ki Hai.
Tum Ne Quran Ke Lehjay Mein Khatabat Ki Hai.
Tum Ne Haider Ki Tarha Dein Ki Wakalat Ki Hai.
Tum Ne Zahra Ke Musallay Pe Ibadat Ki Hai.
Aaye Jibreel Jo Quran Ki Aayat Le Kar.
Bait-e-Zahra Mein Gaye Tum Se Ijazat Le Kar.
Turbat-e-Sani-e-Zahra Ki Mujahir Tum Ho.
Yani Mastoor Mein Hum Sorat-e-Jabir Tum Ho.
Ghar Mein Zahra Ke Ho Youn Rijs Se Qasir Tum Ho.
Saat Masoomo Ke Anwar Ki Zair Tum Ho.
Yeh Sharf Loag Kaneezon Ko Kahan Detey Hain.
Fatima Zahra Ke Bachay Tumhein Maa Kehte Hain.
Chodah Sadiyon Se Bahatar Ki Azadar Ho Tum.
Bint-e-Zahra Ke Liye Saya-e-Dewar Ho Tum.
Naaz Karti Hai Wafa Jis Pe Woh Kirdar Ho Tum.
Khana-e-Fatima Zahra Ki Namak Khawar Ho Tum.
Har Mawaddat Ke Saheefay Mein Tera Qissa Hai.
Fatima Zahra Ke Faqoon Mein Tera Hissa Hai.
Aa Ke Sail Ne Kabhi Dar Pe Jo Dastak De Di.
Arsh Walon Ne Kabhi Aa Ke Jo Roti Mangi.
Aa Gayi Le Ke Woh Darwazay Pe Khairat-e-Ali.
Hukam-e-Haider Pe Farishton Ki Bhi Bhar Di Jholi.
Yeh Bhi Hai Ik Teri Azmat Ka Hawala Fizza.
Rizq Maula Ne Tere Hath Se Banta Fizza.
Kya Likhe :MIR TAKALLUM: Tere Aousaf Bhala.
Aaj Islam Ki Pehchan Hai Kirdar Tera.
Naam Letey Hain Adab Se Tera Sab Ahl-e-Azza.
Tujh Ko Zahra Ki Kaneezi Ka Sila Aisa Mila.
Jo Bhi Ab Sham Ziyarat Ke Liye Jata Hai.
Sajdah Karne Teri Chokhat Pe Zaror Aata Hai.
Poet: :Mir Takallum Mir:
Manqabat Khuwan: :Mir Hasan Mir:
Manqabat Volume: :Mir Hasan Mir 2008-09:
#JanabeFizza
#ManqabatLyrics
#tajpoint
Bibi Fiza SA New Manqabat Janab e Fizza Manqabat Mir Hasan Mir
Janab e Fizza Manqabat Mir Hasan Mir Lyrics Urdu 2009 Write Up Poster Image
