Noor-e-Khaliq Ki Zia Asal-e-Taharat Zahra Lyrics In Urdu and Roman Urdu
نُورِ خالق کی ضیاء اصلِ طہارت زہراؑ
Aadmiyat Ka Sharaf Fakhar-e-Syadat Zahra.
Anbiya Naaz Karein Jis Pe Woh Ismat Zahra.
Wajh-e-Tauqeer Padar Ain Najabat Zahra.
Jo Hasab Aap Se Mil Jaye Sharaf Ho Jaye.
Jo Nasab Aap Se Mil Jaye Najaf Ho Jaye.
Kasab-e-Khushnodi-e-Mabood Tha Zahra Ka Hadaf.
Rab Se Bibi Ko Mila Khas Kaneezi Ka Sharaf.
Mansab-e-Shahi-e-Niswaan Mein Hain Tauqeer Bakaf.
Woh Ameeri Hai Keh Shohar Hai Shehanshah-e-Najaf.
Mehar Mein Rab Ne Har Ik Qibla Numai De Di.
Our Nuseri Ke Khuda Ne Tu Khudai De Di.
Makhzan-o-Manba-e-Tauqeer Rida-e-Zahra.
Jiss Ke Paiker Mein Hai Tanveer Rida-e-Zahra.
Jiss Ke Qabze Mein Hai Taqdeer Rida-e-Zahra.
Jiss Ke Saye Mein Hai Tatheer Rida-e-Zahra.
Dill Ke Ghanghoor Andheeron Ko Zia Deti Hai.
Yeh Rida Woh Hai Jo Kalma Bhi Parha Deti Hai.
Ilm Hai Sab Ko Sonaran Ki Kahani Kya Hai.
Woh Kahani Jo Hai Zahra Ki Zabani Kya Hai.
Yeh Batati Hai Keh Ijaz Biyani Kya Hai.
Gar Yaqeen Ho Tu Balaon Ki Rawani Kya Hai.
Bhool Jaye Jo Isse Hath Sada Malta Hai.
Yad-e-Zahra Se Jo Ghafil Ho Tu Ghar Jalta Hai.
Fatima Umm-e-Abeeha Hain Payamber Ki Qasam.
Yeh Hain Marzi-e-Khuda Khaliq-e-Akbar Ki Qasam.
Aik Hi Beti Nabi Ki Hai Bahatar Ki Qasam.
Yeh Shab-e-Qadar Hain Haider Ki Qasam.
Jo Nabi Rehmat-e-Aalam Bhi Hai Our Naimat Hai.
Fatima Rehmat-e-Aalam Ke Liye Rehmat Hai.
Nisbat-e-Fatima Se Payi Nabi Ne Mairaj.
Paya Hasnain Ne Bhi Janat-e-Firdos Ka Raaj.
Kya Howa Aaj Lahad Bibi Ki Gar Hai Taraaj.
Rizq Milta Hai Ossi Tooti Hoi Qabar Se Aaj.
Martaba Yeh Bhi Tu Marqoom Hai Sab Rutboon Mein.
Chaar Masoomo Ka Sar Aaj Bhi Hai Qadmoon Mein.
Khidmat-e-Fatima Zahra Mein HO :MAJID: Ka Salam.
Inn Ki Nisbat Se Hi Bante Hain Nabi OUr Imam.
Aye :WAJHI: Aao Jabeen Rakho Issi Dar Pe Modaam.
Sab Se Keh Do Keh Hai Jibreel Bhi Iss Ghar Ka Ghulam.
Woh Utarta Na Tha Quran Sonane Ke Liye.
Asal Mein Aata Tha Woh Jhola Jholane Ke Liye.
Poet: :Allama Dr Majid Raza Abidi:
Manqabat Khuwan: :Syed Wajhi Hasan Zaidi:
Manqabat Volume: :Syed Wajhi Hasan Zaidi 2005-06:
#AsaleTaharatZahra
#ManqabatLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
