Ali Ali Haider Lyrics In Urdu 2018
Ali Ali Haider Write Up Farhan Ali Waris
Qata Hasnain Akbar:
Abhi Tu Bint-e-Asad Thin Tawaf-e-Kaba Mein.
Ke Pathron Mein Khushi Se Ajab Hilali Thi.
Khuda Ka Shukar Ke Ik Samt Ruk Gayin Warna.
Har Aik Samt Se Dewar Phatne Wali Thi.
Nafs-e-Nabi Shai-e-Khuda Zhara Ka Shohar.
Mula Mera Aaqa Mera Saqi-e-Kausar.
Ali Ali Haider.
Aa Ke Zameeno Ko Khud Aflak Ne Choma.
Baithe Khuda Wajd Mein Kuch Our Bhi Jhoma.
Bint-e-Asad Aaein Tu Kabe Mein Bana Dar.
Ali Ali Haider.
Bint-e-Asad Kehne Lagin Majrah Hai Kya.
Aankh Nahi Kholta Dekhein Mera Bacha.
Bole Nabi Bhai Ko Hathon Pe Utha Kar.
Ali Ali Haider.
Dunya Ko Dekhna Bhi Gawarah Nahi Kiya
Jab Tak Ali Ne Dekha Na Chehra Rasool Ka.
Shair-e-Khuda Na Banta Tu Banta Bhi Our Kya
Bachpan Hi Se Jo Pala Tha Rasool Ka.
Yeh Bhi Ali Wali Ki Fazila Hai Ik Bari
Jo Hai Ali Ka Shajra Woh Shajra Rasool Ka.
Rab Ki Qasam Ali Tu Hai Woh Pehla Naat Khuwaan
Jin Ne Parha Hai Pehla Qasida Rasool Ka.
Nam-e-AliA Rab Ne Baharon Pe Bhi Likha.
Chand Pe Soraj Pe Sitaron Pe Bhi Likha.
Naam Yehi Likha Tha Jibreel Ke Par Par.
Ali Ali Haider.
Han Teri Qismat Bhi Sanwar Jaye Gi Pyare.
Dobti Kashti Bhi Ubhar Jaye Gi Pyare.
Bola Khuda Nooh Se Tu Wird Yehi Kar.
Ali Ali Haider.
Jang Ke Maidan Mein Chaleeswan Din Tha.
Nad-e-Ali Parh Ke Nabi Ne Jo Pukara.
Aaye Ali Jis Ghari Khaibar Ka Urra Dar.
Ali Ali Haider.
Yaad Dilata Hoon Tumhein Khum Ka Nazara.
Jis Ghar Sarkar Ne Man Kunto Pukara.
Kehne Laga Wajd Mein Ashab Ka Lashkar.
Ali Ali Haider.
Shankh Ki Yeh Goonj Yeh Nobat Ki Sadaein.
Sare Zamane Ko Yeh Paigham Sunaein.
Narah Lagate The Yeh Shahbaz Qalandar.
Ali Ali Haider.
:ZILL-E-RAZA: Ho Keh Woh :FARHAN ALI: Ho.
Dono Ka Maqsad Hai Biyaan Shan-e-Ali Ho.
Sab Sar-e-Mehfil Kahein Hathon Ko Utha Kar.
Ali Ali Haider.
Poet: :Zill e Raza Zaidi:
Manqabat Khuwan: :Farhan Ali Waris:
Manqabat Volume: :Farhan Ali Waris 2018-19:
#AliAliHaider
#ManqabatLyrics
#tajpoint
Ali Ali Haider Lyrics In Urdu 2018 Write Up Poster Image
