Main Hussain Hoon Woh Hussain Hoon Lyrics In Urdu 2018
Main Hussain Hoon Woh Hussain Hoon.
Dil-e-Fatima Ka Main Chain Hoon.
Main Nabi Ki Aankhon Ka Noor Hoon Main Ali Ke Dil Ka Surror Hoon.
Meri Maan Hai Janab-e-Syeda Meri Bhai Hasan Dil-e-Mustafa.
Meri Hum Qadam Meri Do Behan Meri Bhai Ghazi Qarar-e-Man.
Main Sawar-e-Doosh-e-Rasool Hoon Main Hussain Jan-e-Batool Hoon.
Main Kalam-e-Rab Ki Misal Hoon Main Gharan-e-La-Zawaal Hoon.
Mujhe Naaz Apne Chaman Pe Hai Main Hoon Panchwaan Rukan-e-Panjtan.
Main Hussain Waris-e-Deen Hoon Main Gumaan Nahi Main Yaqeen Hoon.
Mujhe Ishq Naam-e-Khuda Se Hai Meri Jang Ahl-e-Daga Se Hain.
Meri Zindagi Mere Rab Ki Hai Main Chala Hoon Ghar Se Liye Kafan.
Main Hazar Sadmay Utha Chuka Main Charag Apne Bhuja Chuka.
Main Tamam Lashkar Ganwa Chuka Main Zameen-e-Maqtal Saja Chuka.
Lo Main Zuljina Se Gir Gaya Na Hai Zeen Pe Our Na Zameen Pe Tan.
Lo Main Nook-e-Naiza Pe Aa Gaya Main Kamal-e-Maqsad Ko Pa Gaya.
Tah-e-Taig Sajda Adda Kiya Main Utha Tu Paish-e-Khuda Gaya.
Hai Sada-e-Hal Min Ka Mojza Hai Jahan Mein Zinda Mera Sukhan.
Main Hussain Jan-e-Karbala Hai Yahan Ki Mati Mein Bhi Shifa.
Lo :REHAN:-o-:SARWAR: Karo Dua Rahe Saya Sab Par Hussain Ka.
Rahe Hashar Tak Yehi Silsila Yehi Ik Sada Ho Zameen Zaman.
Poet: :Rehan Azmi:
Noha Khuwan: :Nadeem Sarwar:
Noha Volume: :Nadeem Sarwar 2018-19:
#MainHussainHoon
#NohayLyrics
#tajpoint
Main Hussain Hoon Woh Hussain Hoon Lyrics In Urdu 2018 Write Up Poster Image
