Mur Mur Ke Mujhe Dhaiktay Jana Ali Akbar Lyrics 2018

Mur Mur Ke Mujhe Dhaiktay Jana Ali Akbar Lyrics 2018

Mur Mur Ke Mujhe Dhaiktay Jana Ali Akbar Mir Hasan Mir.

Kuch Dair Tu Jee Le Tera Baba Ali Akbar.

Tum Zeen Se Giro Gaye Tu Badal Jaye Gi Dunya.
Maqtal Ki Taraf Kon Humein Le Ke Chale Ga.
Qatil Tu Bataein Gaye Na Rasta Ali Akbar.

Bimar-e-Madina Ki Khabar Aati Hi Ho Gi.
Tum Sath Liye Jate Ho Binai Bhi Meri.
Main Kaise Parhon Ga Khat-e-Sughra Ali Akbar.

Ho Jaye Ga Mushkil Mera Aana Mere Beta.
Maqtal Mein Kahin Door Na Jana Mere Beta.
Ab Mujh Se Chala Bhi Nahi Jata Ali Akbar.

Ahsas Tarapne Ka Hamare Tujhe Hota.
Meri Tarha Tu Apna Jigar Tham Ke Rota.
Tera Bhi Jo Hota Koi Beta Ali Akbar.

Nana Mere Pochein Jo Kahan Dair Lagai.
Keh Dena Ijazat Bari Mushkil Se Hai Payi.
Lag Jao Galay Aa Ke Dobara Ali Akbar.

Nana Gaye Jab Aayi Thi Amma Pe Zaeefi.
Tum Jate Ho Halat Hai Ajab Bint-e-Ali Ki.
Zainab Hoi Jati Hai Zaeefa Ali Akbar.

Aye Lal Tujhe Karta Hoon Baba Ke Hawalay.
Maidan Mein Hanste Hain Khare Barchiyon Walay.
Achi Tarha Phir Dekh Loon Seena Ali Akbar.

Sar Peet Ke Mula Ne :TAKALLAUM: Yeh Sada Di.
Hai Chadar-e-Zainab Meri Ghurbat Ki Gawahi.
Main Tum Ko Kafan De Nahi Sakta Ali Akbar.

Poet: :Mir Takallum Mir:
Noha khuwan: :Mir Hasan Mir:
Noha Volume: :Mir Hasan Mir 2018-19:

#AliAkbar
#NohayLyrics
#tajpoint

Mur Mur Ke Mujhe Dhaiktay Jana Ali Akbar Lyrics 2018 Write Up Poster Image

Mur Mur Ke Mujhe Dhaiktay Jana Ali Akbar Lyrics 2018

Video Link