Bhaiyya Mujhe Bhool Na Jana Sar Par Agar Sehra Sajana 1999
Bhaiyya Mujhe Bhool Na Jana Sar Par Agar Sehra Sajana Nadeem Sarwar.
Sab Pholon Ke Gehnay Mein Sanwari Dulhan Aaye.
Tum Jaisay Ho Bas Wesi Hi Pyari Dulhan Aaye.
Sar Pe Agar Sehra Sajana Hath Pe Kangna Jo Bandhana.
Fatima Sughra Ne Yeh Akbar Ko Likha Hai.
Bhai Salamat Raho Behna Ki Dua Hai.
Bad-e-Dua Dil Mein Yeh Arman Basa Hai.
Masnad-e-Shadi Jo Bichana.
Baba Ki Aagosh Mein Main Bhi Tu Pali Hoon.
Bhaiyya Teri Ungli Pakar Kar Main Chali Hoon.
Kyun Main Teri Chaon Se Mehroom Rahi Hoon.
Baba Ki Jab Chaon Mein Jana.
Baba Se Kehna Keh Meri Jald Khabar Lein.
Toot Na Jaein Kahin Baba Meri Sansein.
Katta Nahi Din Na Guzarti Hain Yeh Ratein.
Khat Mera Baba Ko Sunana.
Bhaiyya Tere Baad Jo Din Eid Ka Aaya.
Eid Ke Din Eidi Mein Gham Main Ne Hai Paya.
Mujh Ko Bharay Ghar Ki Judai Ne Rulaya.
Dukh Yeh Mera Sab Ko Batana.
Sunti Hoon Karbal Ki Bohat Garam Howa Hai.
Amma Se Kehna Keh Yeh Sughra Ne Kaha Hai.
Phool Sa Asghar Jo Mera Sath Gaya Hai.
Dhop Se Jab Oss Ko Bachana.
Behno Ka Dil Jan-e-Jigar Hota Hai Bhai.
Aankhein Thehartin Hain Jidhar Hota Hai Bhai.
Mere Tarapney Ka Asar Hota Hai Bhai.
Tum Ho Jahan Mujh Ko Bolana.
Bhaiyya Mujhe Rehta Hai Har Waqt Yeh Ahsas.
Bhool Gaye Kya Mujhe Mere Chacha Abbas.
Aaye Alam Aaye Sakina Ho Mere Pas.
Aas Meri Toor Na Jana.
Amma Se Kehna Keh Sakina Ki Qasam Hai.
Fasila Ab Qabar Se Beemar Ka Kam Hai.
Dair Na Karna Keh Mere Honton Pe Dam Hai.
Hath Dua Ko Jo Uthana.
Haye Khat-e-Sughra Ke Aakhir Mein Likha Tha.
Acha Mere Bhai Khuda Ko Tumhein Sonpa.
:SARWAR:-o-:REHAN: Yeh Jumla Bhi Ajab Tha.
Acha Meri Qabar Pe Aana.
Poet: :Rehan Azmi:
Noha Khuwan: :Nadeem Sarwar:
Noha Volume: :Nadeem Sarwar 1998-99:
#BhaiyyaMujheBhoolNaJana
#NohayLyrics
#tajpoint
Old Noha Bhaiyya Mujhe Bhool Na Jana Sar Par Agar Sehra Sajana
Bhaiyya Mujhe Bhool Na Jana Sar Par Agar Sehra Sajana 1999 Lyrics Write Up Poster Image
