Allah Ki Nabi Ko Atta Main Batool Hoon Lyrics 2019
Allah Ki Nabi Ko Atta Main Batool Hoon.
Kya Haisiyat Hai Arz-o-Samawaat Ki Bhala.
Had Hai Keh Mera Baba Bhi Shohar Bhi Khud Mera.
Meri Wajah Se Khalq Howa Main Batool Hoon.
Mairaj Ki Ali(AS) Jo Sonatay The Dastaan.
Main Ne Kaha Keh Main Bhi Tu Mojood Thi Wahan.
Ya Murtaza(AS) Hijab-e-Khuda Main Batool Hoon.
Dunya Se Jo Alag Hai Taharat Ka Yeh Safar.
Olad Mere Ghar Mein Bhi Aati Rahi Magar.
Meri Nahi Namaz Qaza Main Batool Hoon.
Taray Ke Aane Par Bhala Hairaan Ho Kis Liye.
Ghar Ke Bare Hi Karte Hain Shadi Ke Faislay.
Rishta Mera Khuda Ne Kiya Main Batool Hoon.
Quran Tu Nahi Hoon Jo Jibreel(AS) La Sakay.
Khaliq Se Mere Noor Ko Lene Ke Wastay.
Chal Kar Nabi(SAWW) Ko Jana Para Main Batool Hoon.
Lanat Se Bach Gaye Mujhe Sidiqa Maan Ke.
Hum Se Mubahila Na Kiya Peechay Hat Gaye.
Najraniyon Pe Jab Yeh Khula Main Batool Hoon.
Mujh Se Agar Hai Bugz Tu Be-Zaiqa Raho.
ALLAH Ki Zameen Ka Pani Bhi Mat Piyo.
Aab-o-Namak Hai Mehar Mera Main Batool Hoon.
Mere Namaz Rozay Bhi Kaam Unn Ke Aaein Gaye.
:SAJJAD: Saray Matami Janat Mein Jaein Gaye.
Ho Ga Wohi Jo Main Ne Kaha Main Batool Hoon.
Poet: :Mir Sajjad Mir:
Manqabat Khowan: :Mir Sajjad Mir:
Manqabat Volume: :Mir Sajjad Mir 2019-20:
Composition: :Mir Sajjad Mir:
Allah Ki Nabi Ko Atta Main Batool Hoon Lyrics 2019 Write Up Poster Image
