Aane Ko Hain Batool Lyrics In Urdu and Roman Urdu
آنے کو ہیں بتولؑ
Jis Din Sajjay Ga Hashar Ka Maidan Dosto.
Sab Se Kahin Gay Buzar-o-Salman Dosto.
Sar Ko Jhukao Hoga Yeh Ayelan Dosto.
Sajdah Karein Gay Matami Zeeshan Dosto.
Dein Gi Sada Yeh Hazrat-e-Esa Ki Maa Suno.
Woh Aa Gayin Keh Jo Hain Padar Ki Bhi Maa Suno.
Tauheed Ke Hijab Mein Aati Hain Fatima.
Apne Hasan Hussain Ko Lati Hain Fatima.
Joon Joon Qadam Ko Aagay Barhati Hain Fatima.
Haibat Se Kitne Koh Girati Hain Fatima.
Hasnain Mustafa-o-Ali Sath Sath Hain.
Zair-e-Kisa They Jo Woh Sabhi Sath Sath Hain.
Iss Shan Se Hai Aa Rahi Imran Ki Baho.
Manzar Mobahlay Ka Bana Phir Se Ho Baho.
Aane Lagin Sadaein Duroodon Ki Chaar So.
Tharanay Laga Khof Se Bibi Ka Har Addo.
Jhutlaney Walon Ko Yahan Jalwaney Aayi Hai.
Zahra Addo Pe Qehar-e-Khuda Dhaney Aayi Hai.
Sun Le Tu Kan Khol Ke Aye Dushman-e-Batool.
Koi Bhi Kar-e-Khair Tera Hoga Na Qabool.
Mathay Pe Daag-e-Sajdah Hai Lekin Yeh Hai Fazool.
Kyunke Hoi Hai Ajar-e-Risalat Mein Tujh Se Bhool.
Dunya Mein Iqtidar Se Tum Kya Se Kya Banay.
Mumkin Nahi Keh Khuld Mein Ab Teri Ja Banay.
Naam Apne Mujrimo Ke Sunaein Gi Marziya.
Phir Unn Ke Asal Chehray Dikhaein Gi Marziya.
Oss Jaltay Dar Ki Raakh Bhi Laein Gi Marziya.
Mohsin Howa Shaheed Bataein Gi Marziya.
Farmaye Ga Khuda Inhein Abadi Malal Do.
Yeh Dushman-e-Batool Hain Dozakh Mein Daal Do.
Detey Rahe Jo Bibi Ko Pursa Jahan Mein.
Woh Martaba Miley Ga Na Hoga Goman Mein.
Khair-e-Kaseer Paein Gay Woh Oss Jahan Mein.
Woh Garmi-e-Hashar Se Bhi Hoon Gay Aman Mein.
Khalq-e-Dua-e-Syeda Youn Ajar Paein Gay.
Matam Ki Saf Bana Ke Woh Jannat Ko Jaein Gay.
Iss Qafilay Ke Aagay Hai Abbas Ka Alam.
Rasta Bana Rahe Hain Alamdar-e-Zee Hasham.
Chehray Pe Zuljalal Ka Khasa Kiye Raqam.
Uthta Hai Youn Jalal Se Ghazi Ka Har Qadam.
Chuptay Hain Aik Dojay Ke Pichey Sabhi Addo.
:HASNAIN: Aaj Fatmi Charcha Hai Chaar So.
Poet: :Zawwar Syed Hasnain Abbas Al-Hasani:
#FatimaZahraKaHai
#ManqabatLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com