Sada Yeh Deta Hai Sajda Hussain Jeet Gaye Lyrics 2016
Sada Yeh Deta Hai Sajda Hussain Jeet Gaye.
Sina Ki Nook Pe Jaise Hi Sar Buland Howa.
Ajeeb Shan Se Maqtal Mein Mustafa Ne Kaha.
Woh Dekho Fatima Zahra Hussain Jeet Gaye.
Ali Ke Lehjay Mein Khutbaat Tu Sunane Do.
Zara Si Dair Hai Zainab Ko Sham Aane Do.
Yazeed Khud Yeh Kahe Ga Hussain Jeet Gaye.
Qareeb Khana-e-Parwardigar Ja Tu Sahi.
Nazar Se Bugz Ke Parday Zara Utha Tu Sahi.
Likha Hai Barsar-e-Kaba Hussain Jeet Gaye.
Sina Ho Teer-o-Kamaan Hoon Ya Naiza Ho Khanjar.
Sitam Ki Taig Ho Bhalay Ho Dhal Ho Ke Tabar.
Zabaan Pe Sab Ki Yehi Tha Hussain Jeet Gaye.
Kiya Jo Nehar Pe Qabza Ali Ke Dilbar Ne.
Salam Pyas Ko Barh Kar Kiya Samandar Ne.
Pukarne Lagay Darya Hussain Jeet Gaye.
Ameer-e-sham Kahan Ab Teri Hakomat Hai.
Mere Hussain Ke Qadmo Pe Lash-e-Baiyat Hai.
Utha Le Aa Ke Janaza Hussain Jeet Gaye.
Azaan Mein Lehja-e-Akbar Ka Iss Qadar Tha Asar.
Abhi Tu Jang Ka Aagaz Bhi Nahi Hai Magar.
Zameer-e-Hur Ka Hai Dawa Hussain Jeet Gaye.
Woh Roshni Hain Addo Ke Dimag Roshan Hain.
sar-e-Sina Bhi Bahatar Cherag Roshan Hain.
Bata Raha Hai Sawera Hussain Jeet Gaye.
Ali Ki Tarjumaan Sajjad Ki Zaban Hoi.
Har Aik Samt Se Be-Waqt Jab Azan Hoi.
Pukar Sani-e-Zahra Hussain Jeet Gaye.
Hai Aks-e-Fatahe Khaibar Yeh Be-Zaban Nahi.
Aye Hurmala Tujhe Maloom Iss Ki Shan Nahi.
Abhi Kahe Ga Yeh Bacha Hussain Jeet Gaye.
Bigara Kya Hai :TAKALLUM: Hamara Fatwoon Ne.
Zamana Gonj Raha Hai Sada-e-Matam Se.
Gali Gali Mein Hai Charcha Hussain Jeet Gaye.
Poet: :Mir Takallum Mir:
Manqabat Khuwan: :Mukhtar Hussain Fatehpuri:
Manqabat Volume: :Mukhtar Hussain Fatehpuri 2016-17:
Sada Yeh Deta Hai Sajda Hussain Jeet Gaye Lyrics 2016 Write Up Poster Image
