Shan-e-Ali Akbar Suno Lyrics In Urdu and Roman Urdu
شانِ علی اکبرؑ سنو، شانِ علی اکبرؑ
Tareekh-e-Husan Se Kiya Main Ne Ajab Sawal.
Ubhrey Jo Chand Aata Hai Soraj Ko Phir Zawal.
Soraj Ke Sath Chand Bhi Chamkay Tu Hai Kamal.
Akbar Ke Woh Zahoor Ki Deney Lagi Misal.
Manzar Yeh Dekhney Ko Falak Sar Jhukaye Hai.
Hashim Ka Chand Husan Ka Soraj Uthaye Hai.
Shabir Ko Khuda Se Hai Aisa Pisar Mila.
Sorat Mein Jo Rasool Tu Seerat Mein Murtaza.
Oss Ka Sarapa Koi Qalam Se Na Likh Saka.
Kaisay Main Oss Ko Yousuf-e-Sani Kahon Bhala.
Akbar Ke Husan Ke Liye Bas Yeh Kalam Hai.
Yousuf Tu Iss Hasen Ke Sadqay Ka Naam Hai.
Yeh Gulshan-e-Rasool Ke Aangan Ka Phool Hai.
Iss Ka Jamal Yani Jamal-e-Rasool Hai.
Dada Ali Hai Iss Ka Tu Dadi Batool Hai.
Baba Ke Dam Se Deen-e-Khuda Ka Usool Hai.
Sun Lo Aazan Sadiyon Se Deti Biyan Hai.
Akbar Teri Aazan Se Qayam Aazan Hai.
Humshakal-e-Mustafa Abu Talib Ka Zeen Hai.
Akbar Tu Qalb-e-Sani-e-Zahra Ka Chain Hai.
Shair-e-Khuda Ke Shair Ka Yeh Noor-e-Ain Hai.
Sun Aye Zolekha Yeh Dil-o-Jan-e-Hussain Hai.
Aaj Iss Haseen Ke Wastay Bazar Hai Juda.
Yeh Woh Haseen Hai Jis Ka Kharedar Hai Khuda.
:SALMAN AZMI: Ali Akbar Ka Hai Karam.
Midhat Raqam Jo Kar Saka Mujh Jaisa Kaj Qalam.
Unki Atta Hai Mere Sukhan Par Yeh Dam Ba Dam.
Ahl-e- Sukhan Mein Hai Jo Mera Naam Mohtaram.
Ab Rooz-e-Hashar Ka Nahi Mujh Ko Malal Hai.
Zamin Jo Mera Shafa-e-Mehshar Ka Lal Hai.
Poet: :Salman Azmi:
Manqabat Khuwan: :Syed Zain Ali Rizvi:
Manqabat Volume: :Syed Zain Ali Rizvi
2019-20:
2019-20:
#ManqabatLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
