Rukh Se Ik Bar Kafan Our Hata Do Bhaiyya Lyrics 2020
Rukh Se Ik Bar Kafan Our Hata Do Bhaiyya
Haye Haider Ke Janazay Pe Ajab Manzar Tha.
Betiyaan Qadmo Se Lipati Thin Basad Aah-o-Buqa.
Barh Ke Shabar Ne Jo Chehray Se Kafan Band Kiya.
Dekh Kar Bhai Ke Chehray Ko Yeh Zainab Ne Kaha.
Rukh Se Ik Bar Kafan Our Hata Do Bhaiyya.
Mere Baba Ka Mujhe Chehra Dikha Do Bhaiyya.
Aaj Baba Jo Mere Ghar Se Chaley Jaein Gaye.
Phir Mujhe Sham-e-Ghareebaan Mein Nazar Aaein Gaye.
Itnay Din Kaisay Guzaron Gi Bata Do Bhaiyya.
Jaisay Amma Ki Rida Mein Thi Shifa Nana Ki.
Kiya Yeh Mumkin Hai Ke Uth Jaein Mere Baba Bhi.
Meri Chadar Mere Baba Ko Urha Do Bhaiyya.
Haye Shabeer Se Zainab Ne Kaha Ro Ro Kar.
Soona Lagta Hai Amamay Ke Bina Baba Ka Sar.
Sar Pe Baba Ke Amama Tu Saja Do Bhaiyya.
Kaisay Batlaein Yeh Dil Gham Se Phata Jata Hai.
Kya Juda Baap Se Ho Kar Bhi Jiya Jata Hai.
Apni Behno Ko Faqat Itna Bata Do Bhaiyya.
Aa Rahi Hoon Gi Baqiya Se Sada Sun Ke Meri.
Sar Pe Baba Ke Na Par Jaye Nazar Amma Ki.
Zakhm Amma Ki Nigahon Se Chupaya Do Bhaiyya.
Gham Mein Baba Ke Tarapta Hai Zara Dekho Tu.
Door Betha Hai Bola Lao Mere Ghazi Ko.
Pas Kuch Dair Tu Baba Ke Bitha Do Bhaiyya.
Khon Baba Ki Jabeen Se Woh Gira Tha Jis Pe.
Apne Baba Ki Nishani Main Bana Loon Gi Issay.
Mere Baba Ka Musalla Mujhe La Do Bhaiyya.
Ghar Se Jata Tha Janaza Jo Ali Ka Bahir.
Betiyaan Kehti Thin :ZEESHAN-o-RAZA: Ro Ro Kar.
Aakhri Bar Tu Baba Se Mila Do Bhaiyya.
Poet: :Zeeshan Abidi:
Noha Khuwan: :Syed Raza Abbas Zaidi:
Composition: :Syed Raza Abbas Zaidi:
New Noha 21 Ramzan 2020 1441 Hijri Shahdat Imam Ali(AS)
#RukhSeIkBarKafan
#NohayLyrics
#tajpoint
Rukh Se Ik Bar Kafan Our Hata Do Bhaiyya Lyrics 2020 Write Up Poster Image
