Ashk-e-Gham Hai Teri Atta Zainab Lyrics In Urdu and Roman Urdu
اشکِ غم ہے تری عطا زینبؑ
Ashk-e-Gham Hai Teri Atta Zainab Tu Hai Shabeer Ki Baqa Zainab.
Dono Aalam Ki Pardah Dari Ho Teri Nalain Pe Fida Zainab.
Apne Baba Ki Pak Seerat Bhi Baap Ka Hosla Bhi Dikhlaya.
Gayi Darbar Mein Hasan Bach Kar Sabar-e-Shabeer Ko Bhi Dohraya.
Kiya Darbar-e-Sham Mein Tu Ne Maa Ke Khutbay Ka Tarjuma Zainab.
Tere Baba Sa Hai Padar Koi Na Koi Maa Hai Teri Madar Si.
Na Mohafiz Hai Koi Ghazi Sa Na Hi Chadar Hai Teri Chadar Si.
Our Tere Hasan Hussain Sa Bhi Koi Bhai Nahi Howa Zainab.
Ro Paray Be Kafan Janazay Bhi Dekh Kar Tera Hosla Bibi.
Tu Ne Aankhon Ke Samne Dekha Kattay Shabeer Ka Gala Bibi.
Khon Khanjar Ka Ponchne Ke Liye Kam Aayi Teri Rida Zainab.
Zakhm Hi Zakhm Hain Sahey Tu Ne Sheh Ke Maqtal Se Qaid Khane Tak.
Aazmaye Gaye Sabhi Tujh Par Kund Khanjar Se Taziyane Tak.
Had Tu Yeh Hai Barastay Sholon Mein Tu Ne Sajdah Ada Kiya Zainab.
Solah So Meel Tak Barehna Sar Shamiyon Ne Tujhe Phiraya Hai.
Ibn-e-Nofal Ne Mar Kar Naiza Rastay Bhar Tujhe Jagaya Hai.
Tu Hai Shabeer Ki Behan Oss Ka Kar Diya Tu Ne Haq Ada Zainab.
Ajar Itna Mila Risalat Ka Tere Chehray Ka Rang Badla Hai.
Our Jahan Se Guzar Howa Tera Ossi Rastay Ka Rang Badla Hai.
Tha Hasan Ke Kafan Ke Jaisa Hi Rang Tere Libas Ka Zainab.
Tera Ghazi Jo Sehan-e-Ismat Mein Bhi Tere Naqsh-e-Pa Mitata Tha.
Baat Karta Tu Tere Qadmo Se Apni Nazrein Nahi Uthata Tha.
Kaisay Dekha Hai Sham Tak Oss Ne Tujh Ko Naizay Se Be Rida Zainab.
Zakhm-e-Madar Mila Tha Yasrab Mein Khums Kofay Mein Phir Yateemi Ka.
Phir Hasan Our Karbala Ka Gham Dard Phir Sham Our Sakina Ka.
Zindagi Mein Hoi Nahi :MUHSIN: Ranj-o-Gham Se Kabhi Raha Zainab.
Poet: :Muhsin Jaffri:
Noha Khuwan: :Joan Rizvi:
Noha Volume: :Joan Rizvi 2020-21:
Composition: :Muhsin Jaffri:
#NohayLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
