Sirat E Mustaqeem Ya Hussain Joan Rizvi Lyrics 2022

Sirat e Mustaqeem Ya Hussain Joan Rizvi Lyrics 2022

Sirat e Mustaqeem Ya Hussain Joan Rizvi

Zamana Har Namaz Mein Duaein Mangta Raha.
Magar Khuda Ki Rah Ka Pata Na Oss Ko Mil Saka.
Sirat-e-Mustaqeem Oss Ke Naam Likh Chuka Khuda.
Woh Jis Ne Rah-e-Ishq Mein Tamam Ghar Luta Diya.
Kata Ke Sar Woh Cha Gaya Khuda Ka Dein Bacha Gaya.
Haan Kibriya Ke Noor Se Dilon Pe Yeh Likha Gaya.

Sirat-e-Mustaqeem Ya Hussain.
Hai Bohat Azeem Ya Hussain.

Hussain Har Jawaz Mein Khuda Ke Naaz-o-Raaz Mein.
Yeh Jibraeel Ne Kaha Rasool Se Namaz Mein.
Khuda Ka Hukam Hai Yehi Barha Do Sajday Ko Nabi.
Na Sar Uthay Hussain Hai Sawar Pusht Par Abhi.
Yani Yeh Faisla Kar Chuka Hai Khuda Keh Do Aye Mustafa.

Aye Bad Naseeb Kam Nazar Bhatak Raha Hai Tu Kidhar.
Sirat-e-Mustaqeem Ki Talash Mein Idhar Udhar.
Abhi Bhi Waqt Hai Sanbhal Naseeb Apna Khud Badal.
Khuda Ko Dhondna Hai Tu Jahan Hussainiyat Hai Chal.
Aa Chalein Karbala Hoga Razi Khuda Tu Bhi Keh De Zara.

Mohafiz-e-Imam Hai Saeed Par Salam Hai.
Hussain Ki Namaz Ka Ajeeb Intezam Hai.
Khuda Ki Baat Maan Ke Khara Hai Seena Taan Ke.
Chalaye Teer Jis Ghari Namaziyon Pe Jan Ke.
Woh Saeed Khuda Teer Khata Raha Our Batata Raha.

Jo Sab Se Behtareen Hai Hussain Hi Woh Deen Hai.
Ali Ka Noor-e-Ain Hai Nabi Ka Dilnasheen Hai.
Hussain Be Misal Hai Kamal Hi Kamal Hai.
Hussain Bas Hussain Hai Hussain La Zawwal Hai.
Wali-e-Karbala Yeh Safeer-e-Khuda Haq Ka Yeh Rasta.

Ghali Ghali Nagar Nagar Sikha Ke Matami Safar.
Chalaya Maon Ne Humein Sirat-e-Mustaqeem Par.
Bataya Maa Ne Dam Ba Dam Hussain Ke Liye Hain Hum.
Hussainiyat Ki Rah Mein Kabhi Nahi Rukay Qadam.
Jab Bhi Ghar Se Chala Meri Maa Ne Kaha Yaad Rakhna Sada.

Nikal Sitam Ki Rah Se Yazid Ki Panah Se.
Aye Hur Na Be Qarrar Ho Mila Le Khud Ko Shah Se.
Suni Jo Hur Ne Yeh Sada Soye Hussain Woh Chala.
Ghulam Our Pisar Bhi They Labon Pe Thi Yehi Sada.
Mera Aaqa Hussain Mera Maula Hussain Bas Yeh Kehta Raha.

Sirat-e-Mustaqeem Ya Hussain Ya Hussain.
Azeem Our Kareem Ya Hussain Ya Hussain.
Faqeer Ka Bharam Ya Hussain Ya Hussain.
Dilon Pe Hai Raqam Ya Hussain Ya Hussain.
Hamara Aasra Ya Hussain Ya Hussain.
Khuda Ka Rasta Ya Hussain Ya Hussain.
Azan Ki Azaan Ya Hussain Ya Hussain.
Pukarey Aasmaan Ya Hussain Ya Hussain.
Batool Ka Haseen Ya Hussain Ya Hussain.
Ali Ka Jansheen Ya Hussain Ya Hussain.
Shaheed-e-Karbala Ya Hussain Ya Hussain.
Ghareeb-e-Nainawa Ya Hussain Ya Hussain.

Hussain Hai Woh Be Watan Mila Nahi Jisay Kafan.
Issi Ki Zakhmi Lash Par Tarapti Reh Gayi Bahan.
Badan Tha Samne Magar Kata Howa Tha Iss Ka Sar.
They Zakhm Iss Ke Parahan Ghareeb Tha Yeh Kis Qadar.
Haye Hussain Haye Hussain Haye Hussain Haye Hussain.

Sakina Iss Ki Lash Par Jab Aaein Tham Kar Jigar.
Badan Mein Teer Dekh Ke Kaha Tarap Ke Aye Pidar.
Suno Meri Sada Suno Sakina Aayi Hai Utho.
Andhera Ban Mein Cha Gaya Aye Mere Baba Ghar Chalo.
Haye Hussain Haye Hussain Haye Hussain Haye Hussain.

Yeh Sun Ke Shimar Aa Gaya Sakina Ki Taraf Barha.
Chura Ke Lash Se Ossay Tamachay Marta Raha.
Sunay Jo Ladli Ke Bain Na Aaye Lash Ko Bhi Chain.
Andherey Ban Mein Khak Pe Taraptay Reh Gaye Hussain.
Haye Hussain Haye Hussain Haye Hussain Haye Hussain.

Yehi Hai Ishq Ka Sharf Nahi Badal Saka Hadaf.
Aseer Ho Ke Qafila Chala Jo Sham Ki Taraf.
Sina Ki Nook Par Charhey Saron Ka Tha Biyan Yeh.
Dobarah Zindagi Miley Nisar Hai Hussain Pe.
Yeh Sada Na Ruki :JOAN:-o-:ZEESHAN: Bhi De Rahe Hain Sada.

Poet: :Zeeshan Abidi:
Noha Khuwan: :Joan Rizvi:
Noha Volum: :Joan Rizvi 2022-23:
Composition: :Own Rizvi:

#SirateMustaqeemYaHussain
#NohayLyrics
#tajpoint

New Noha Sirat e Mustaqeem Ya Hussain Joan Rizvi

Imam Hussain Noha Sirat e Mustaqeem Ya Hussain Joan Rizvi

Zeeshan Abidi Poetry Sirat e Mustaqeem Ya Hussain Joan Rizvi

Sirat e Mustaqeem Ya Hussain Joan Rizvi Lyrics 2022