Abbas Sa Bhai Lyrics In Urdu 2020 Mir Hasan Mir
Abbas Sa Bhai Lyrics In Urdu
Hazrat Se Juda Ho Gaya Abbas Sa Bhai.
Jab Hoye Bazu-e-Abbas Qalam Darya Par.
Gir Ke Thanda Howa Hazrat Ka Alam Darya Par.
Garq-e-Khoon Ho Gaya Woh Behar-e-Karam Darya Par.
Gul Tha Zakhmi Howa Saqa-e-Haram Darya Par.
Mashk Ko Danton Mein Pakray Hoye Youn Lata Hai.
Dahan-e-Shair Mein Jis Tarha Shikar Aata Hai.
Al-Garz Lasha-e-Abbas Pe Aaye Maula.
Sar Ko Zanu Pe Rakha Our Yeh Ro Ro Ke Kaha.
Bhai Tu Aaj Humein Keh Do Khudara Bhaiyya.
Naza Mein Bhai Ko Abbas Ne Bhai Bola.
Aakhri Sans Li Our Dar-e-Fana Chor Diya.
Bhai Ne Bhai Ki Aagosh Mein Dam Toor Diya.
Hazrat Se Juda Ho Gaya Abbas Sa Bhai.
Pardais Mein Looti Gayi Haider Ki Kamai.
Sheh Ne Yeh Kaha Lasha-e-Saqa-e-Haram Se.
Baba Ki Tarha Tum Bhi Juda Ho Gaye Hum Se.
Do Bar Yateemi Meri Behno Pe Hai Aayi.
Mazloom Se Maqtal Mein Chala Hi Nahi Jata.
Jab Khak Pe Girtay Hain Utha Bhi Nahi Jata.
Ghazi Ki Shahadat Ne Kamar Aisi Jhukai.
Bachi Ne Kaha Shah Se Farz Apna Nibhaon.
Nazdeek Agar Hai Koi Basti Tu Main Jaon.
Ammo Ka Kafan Laye Gi Ammo Ki Fidai.
Abbas Ke Bachoon Se Main Sharminda Rahon Ga.
Maqtal Se Utha Laya Hoon Har Aik Ka Lasha.
Afsoos Ke Abbas Ki Maiyyat Na Uthai.
Khat Khak Pe Detey They Qadam Zeen Se Jis Ke.
Maidan Mein Oss Shair Ke Itnay Hoye Tukray.
Sajjad Ne Chadar Mein Woh Maiyyat Hai Uthai.
Darya Bhi Tarapney Laga Yeh Dekh Ke Manzar.
Yaad Aane Laga Seena-e-Humshakal-e-Payamber.
Jab Mashk Katay Hath Se Maula Ne Churai.
Sadiyon Se Hai Tari Yeh Fiza Ranj-o-Alam Ki.
Yeh Chand Jo Ojhal Howa Nazron Se Haram Ki.
Phir Sani-e-Zahra Ne Kahan Eid Manai.
Ammo Ki Judai Pe Bohat Roye Hain Baba.
Samjhati Hai Ro Ro Ke Yeh Bachoon Ko Sakina.
Ab Dena Nahi Koi Bhi Pani Ki Duhai.
Har Matami Seene Pe Bapa Ho Ga Talatum.
Iss Saal Tera Jana Tu Mushkil Hai :TAKALLUM:.
Nohay Ki Magar Karb-o-Bala Tak Hai Rasai.
Poet: :Mir Takallum Mir:
Noha Khuwan: :Mir Hasan Mir:
Noha Volume: :Mir Hasan Mir 2020-21:
Composition: :Raza Shah:
#NohayLyrics
#tajpoint
Abbas Sa Bhai Lyrics In Urdu New Noha
Abbas Sa Bhai Lyrics In Urdu 2020 Mir Hasan Mir Write Up Poster Image
