Bhai Bhai Pukarti Rahi Main Mir Hasan Lyrics 2016
Bhai Bhai Pukarti Rahi Main Write Up In Urdu
Bhai Bhai Pukarti Rahi Main Phir Bhi Khanjar Nahi Ruka Amma.
Shimar Ne Ki Phir Aisi Gustakhi Mujh Se Dekha Nahi Giya Amma.
Tum Jo Zulfein Sanwara Karti Thin Unhi Zulfon Mein Hath Tha Oss Ka.
Jahan Bose Diye The Nana Ne Ossi Gardan Se Khoon Tapakta Tha.
Sar-e-Shabir Youn Uthaye Howay Shimar Khaime Tak Aa Giya Amma.
Dekh Kar Mujh Ko Bain Karte Howay Shimar Har Bar Muskurata Raha.
Meri Nazroon Ke Samne Zalim War Gin Kar Churi Chalata Raha.
Haye Tera Zarbein Thin Our Kund Khanjar Tha Our Shabir Ka Gala Amma.
Charon Janib Se Ghair Rakha Tha Tere Noor-e-Nazar Ko Lashkar Ne.
Teer Barsata Tha Koi Oss Par Koi Pathar Se Marta Tha Osse.
Haye Rait Zakhmo Pe Wo Girata Raha Jis Ko Pathar Nahi Mila Amma.
Taig Jis Dam Koi Chali Oss Par Haye Abbas Keh Ke Roya Tha.
Teer Paishani Pe Laga Jis Dam Haye Asghar Zubaan Pe Aaya Tha.
Haye Akbar Pukara Bhaiya Ne Jab Bhi Naiza Koi Laga Amma.
Haye Jab Chalaya Tha Shimar Ne Khanjar Main Ne Aankhon Se Apni Dekha Tha.
Hath Apne Utha Ke Pehlu Se Tu Ne Sokhe Gale Pe Rakha Tha.
Ungliyaan Zakhmi Ho Gayi Hoon Gi Hath Mujh Se Tu Na Chupa Amma.
Aisi Nafrat Thi Unn Ke Seeno Mein Yeh Bhi Socha Na Sham Walon Ne.
Deen-e-Islam Mein Zabeeha Tak Zibha Pyase Nahi Kiye Jate.
Haye Teen Din Se Hussain Piyasa Hai Yeh Bhi Socha Nahi Giya Amma.
Haye Maa Yeh Zainab Se Kehti Thi :AKBAR: Meri Aagosh Mein Tha Sar Oss Ka.
Main Ne Gardan Ko Katte Dekha Tha Haye Main Ne Sansoon Ko Rukte Dekha Tha.
Haye Aakhri Baar Zair-e-Khanjar Hi Main Ne Shabir Se Suna Amma.
Poet: :Hasnain Akbar:
Noha Khuwan: :Mir Hasan Mir:
Noha Volume: :Mir Hasan Mir 2016-17:
#BhaiBhaiPukartiRahiMain
#NohayLyrics
#tajpoint
Write Up Bhai Bhai Pukarti Rahi Main Mir Hasan Lyrics 2016 Poster Image
