Zainab Ki Shaan Syed Raza Abbas Zaidi Lyrics In Urdu and Roman Urdu
زینبؑ کی شان
Kya Bataon Main Zainab Ki Kya Shan Hai.
Kul-e-Emaan Ke Eman Ka Maan Hai.
Woh Muhammad Jo Hain Khatam Al-Anbiya.
Jis Ko Kehti Hai Dunya Habib-e-Khuda.
Jis Ka Damad Hai Zaigham-e-Kibriya.
Jis Ki Beti Hai Khair-Al-Nisa Fatima.
Oss Muhammad Ke Dil Ka Yeh Arman Hai.
Hai Shujat Ki Malka Issi Ka Laqab.
Iss Ke Qadmo Mein Hai Sar Zameen-e-Arab.
Karbala Bhi Hai Zindah Issi Ke Sabab.
Iss Ki Midhat Karey Khud Muhammad Ka Rab.
Aqal Iss Ke Fazail Pe Hairan Hai.
Khobiyaan Jis Qadar Hain Sabhi Khoob Hain.
Roab Aisa Ke Konain Maroob Hain.
Samne Iss Ke Ghalib Bhi Magloob Hain.
Aayatein Iss Ki Sorat Se Mansoob Hain.
Jis Ko Quraan Parhey Yeh Woh Quran Hai.
Yeh Na Hoti Tu Mar Jata Islam Bhi.
Mit Gaya Hota Khaliq Ka Paigham Bhi.
Kha Gayi Hoti Subha Ko Phir Sham Bhi.
Koi Leta Na ALLAH Ka Naam Bhi.
Deen Hai Yeh Bhi Zainab Ka Ahsan Hai.
Karbala Hai Nida Our Manadi Hai Yeh.
Do Imamo Ki Ik Sath Hadi Hai Yeh.
Raaj Karne Ki Bachpan Se Aadi Hai Yeh.
Do Jahan Ki Bari Shah Zadi Hai Yeh.
Badshah-e-Wafa Jis Ka Darban Hai.
Iss Ke Khutbay Khatabat Ke Sardar Hain.
Iss Ke Nana Shariyat Ke Sardar Hain.
Baap Our Maa Sharafat Ke Sardar Hain.
Do Barey Bhai Janat Ke Sardar Hain.
Chota Bhai Wafaon Ka Sultan Hai.
Be Abba Hai Yehi Fakhar-e-Aal-e-Abba.
Be Ridai Hai Jis Ki Wafa Ki Rida.
Iss Ka Mamnon Hai Do Jahan Ka Khuda.
Iss Ke Barey Mein Kehti Hai Khud Karbala.
Mohsin-e-Deen Par Tera Ahsan Hai.
Koi Azmat Mein Inn Se Zyada Nahi.
Inn Ke Ghar Se Bhi Ghar Koi Aala Nahi.
Inn Ka Nokar Hoon Main Koi Mujh Sa Nahi.
Khuld Ki Koi :GOHAR: Ko Parwah Nahi.
Khuld Tu Qasar-e-Zainab Ka Dalan Hai.
Poet: :Gohar Jarchvi:
Manqabat Khuwan: :Syed Raza Abbas Zaidi:
Manqabat Volume: :Syed Raza Abbas Zaidi 2020-21:
Composition: :Syed Nasir Hussain Zaidi:
#ZainabKiShaan
#ManqabatLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
