Khak Pe Bethi Hai Zainab Meesum Kashmiri Lyrics 2022

Khak Pe Bethi Hai Zainab Meesum Kashmiri

Jal Gaye Khaimay Chin Gayi Chadar Khak Pe Bethi Hai Zainab.
Karb-o-Bala Mein Ghar Ko Luta Kar Khak Pe Bethi Hai Zainab.

So Gaye Ran Mein Chahney Walay.
Pas Nahi Ab Gaud Ke Palay.
Chehray Pe Gham Hai Aankh Mein Aanso.
Toota Howa Dil Kaisay Sanbhalay.
Ban Mein Azza Ka Farsh Bicha Kar Khak Pe Bethi Hai Zainab.

Madar-e-Asghar Dekh Rahi Hai.
Jhola Nahi Ab Khak Pari Hai.
Pani Mila Tu Bhai Ko Ran Mein.
Pyasi Sakina Dhond Rahi Hai.
Laut Ke Ran Se Aaye Na Asghar Khak Pe Bethi Hai Zainab.

Fatima Sughra Ka Khat Thamay.
Bain Kiye Umm-e-Laila Ne.
Jao Madine Aye Ali Akbar.
Apni Behan Se Wadah Nibhanay.
Aao Kahan Ho Aye Mere Dilbar Khak Pe Bethi Hai Zainab.

Dhond Rahi Hai Bali Sakina.
Dasht Mein Apne Baba Ka Seena.
Shimar Tamachay Mar Raha Hai.
Zulm Sahey Ab Kaisay Hazeena.
Jal Gaya Kurta Chin Gaye Gohar Khak Pe Bethi Hai Zainab.

Aoun-o-Muhammad Bhi Nahi Aaye.
Tukray Hoye Qasim Ke Haye.
Na Ali Asghar Na Ali Akbar.
Haal Ab Zainab Kis Ko Sunaye.
So Gaye Ghazi Bhi Darya Par Khak Pe Bethi Hai Zainab.

Haal Na Pochay Koi Behan Ka.
Zakhmi Hai Lasha Shah-e-Zaman Ka.
Ghair Hain Sab Pardais Mein Haye.
Koi Nahi Ab Apne Watan Ka.
Kehti Hai Zainab Khak Ura Kar Khak Pe Bethi Hai Zainab.

Door Watan Se Qaid Hoye Sab.
Roney Lagin Yeh Dekh Ke Zainab.
Ro Ke Yeh Zainab Kehti Hain Aisa.
Waqt Kissi Par Aaye Na Ya Rab.
Ban Gaye Qaidi Abid-e-Muztar Khak Pe Bethi Hai Zainab.

:MEESUM: Our :ZEESHAN: Woh Ghurbat.
Kaisi Thi Pyasay Bachoon Ki Halat.
Hathoon Se Kozay Phaink Diye Hain.
Haye Musibat Haye Qayamat.
Aaye Nahi Abbas-e-Dilawar Khak Pe Bethi Hai Zainab.

Poet: :Zeeshan Abidi:
Noha Khuwan: :Meesum Kashmiri:
Noha Volum: :Meesum Kashmiri 2022-23:
Composition: :Zeeshan Abidi:

#KhakPeBethiHaiZainab
#NohayLyrics
#tajpoint

New Noha Khak Pe Bethi Hai Zainab Meesum Kashmiri

Bibi Zainab SA Noha Khak Pe Bethi Hai Zainab Meesum Kashmiri

Khak Pe Bethi Hai Zainab Meesum Kashmiri Lyrics 2022