Abb Wo Sajjad Na Raha Sajjad Shahid Baltistani Lyrics In Urdu and Roman Urdu
اب وہ سجادؑ نہ رہا سجادؑ
Nook-e-Naiza Se Dekh Lo Baba Ab Woh Sajjad Na Raha Sajjad.
Jis Ghari Be Rida Hoi Zainab Karbala Mein Hi Mar Gaya Sajjad.
Kya Hai Pardah Yeh Sham Walon Ko Meri Dadi Ne Hi Sikhaya Hai.
Unn Hi Logon Ne Meri Phophiyon Ko Be Rida Sham Mein Phiraya Hai.
Kya Ghazab Hai Keh Hath Phaila Kar Mangta Hai Bas Ik Rida Sajjad.
Haye Jis Ne Beghair Mehmal Ke Ghar Se Bahir Qadam Na Rakha Tha.
Oss Phophi Ko Zamane Walon Ne Aap Ke Baad Be Rida Dekha.
Kash Abbas Aaj Hotey Tu Yeh Qayamat Na Dekhta Sajjad.
Sar Pe Jab Tak Tha Aap Ka Saya Maon Behno Ke Sar Pe Thi Chadar.
Warna Main Bhi Ali Ka Beta Hoon Janta Hoon Main Jang Ke Johar.
Dekh Kar Be Rida Phophi Ka Sar Sharam Ke Marey Jhuk Gaya Sajjad.
Nanhay Bachoon Ke Hath Mein Pathar De Ke Mara Gaya Sakina Ko.
Pusht-e-Naqa Se Bhi Giraya Our Taziyane Lagay Yateema Ko.
Main Bandhay Hath Dekh Kar Roya Oss Ne Har Dard Par Kaha Sajjad.
Badar-o-Khaybar Ki Jo Adawat Thi Osska Youn Inteqam Letey Hain.
Sham Ke Loag Bheer Mein Har Dam Meri Phophiyon Ka Naam Letey Hain.
Taziyane Tu Seh Gaya Baba Tanz Lekin Na Seh Saka Sajjad.
Iss Tarha Se Bandhay Hain Rassi Se Hath Mere Galay Yateemo Ke.
Main Jhukon Tu Zameen Se Baba Paon Uthtey Hain Nanhay Bachoon Ke.
Bas Raku Mein Hi Shukar Ke Sajday Kar Ke Guzrey Ga Ab Tera Sajjad.
Jis Behan Ne Hamesha Jeene Ki Haye Abbas Ko Duaein Dein.
Be Rida Sar Pe Rakh Ke Hathoon Ko Oss Ne Abbas Ko Sadaein Dein.
Sar Sina Se Wahan Gira Unn Ka Our Yahan Khak Par Gira Sajjad.
Apne Maula Ke Aik Aanso Ka Haq Ada Na :SAHAAB: Kar Paya.
Girtay Ashkon Ki Roshnai Se Dil Ke Qirtas Par Yehi Likha.
Kitna Gehra Tha Gham Ridaon Ka Ya Khuda Janta Hai Ya Sajjad.
Poet: :Arif Sahaab:
Noha: :Shahid Baltistani:
Noha Volume: :Shahid Baltistani 2021-22:
Composition: :Shahid Baltistani:
#AbbWoSajjadNaRahaSajjad
#NohayLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
