Ghareeb e Zehra Ka Badan Syed Raza Abbas Lyrics 2022
Ghareeb e Zehra Ka Badan Syed Raza Abbas Zaidi
Jo Garam Reti Pe Be Kafan Hai.
Ghareeb-e-Zahra Ka Yeh Badan Hai.
Kiya Hai Pamal Iss Ko Ran Mein.
Hain Zakhm Hi Zakhm Iss Badan Mein.
Nahi Hai Koi Uthane Wala.
Bohat Akela Hai Iss Watan Mein.
Idhar Ki Sab Pasliyaan Udhar Hain.
Udhar Ki Sab Pasliyaan Idhar Hain.
Yeh Woh Badan Hai Keh Jis Ka Seena.
Haan Chomtay They Sheh-e-Madina.
Bhara Hai Teeron Se Haye Ghurbat.
Kahan Pe Soye Gi Ab Sakina.
Yehi Woh Seena Hai Jis Pe Charh Kar.
Laeen Ne Kata Hussain Ka Sar.
Hoi Thi Woh Jin Ki Naal Bandi.
They Aam Ghoron Se Our Wazni.
Jo Ghorey Doray They Iss Badan Par.
Kuchalna Unn Ki Khasosiyat Thi.
Na Jane Kis Tarha Maa Ne Dekha.
Summo Ke Neechay Ghareeb Beta.
Laeen Woh Bajdal Tha Naam Jis Ka.
Sirhaney Jab Iss Badan Ke Pohancha.
Angothi Kis Tarha Lotta Woh.
Tha Zakhmi Hathoon Pe Waram Itna.
Na Utari Zalim Se Jab Angothi.
Tu Kaat Kar Le Gaya Woh Ungli.
Akela Lakhon Se Zakhm Kha Kar.
Yeh So Gaya Jab Sitam Utha Kar.
Andherey Ban Mein Issi Badan Se.
Behan Ne Pathar Hataye Aa Kar.
Na Jane Zainab Ne Kaisa Dekha.
Ghareeb Bhai Ka Zakhmi Lasha.
Saron Ko Naizon Pe Jab Charhaya.
Sar Aik Chota Sa Mil Na Paya.
Laeen Ne Naiza Zameen Pe Mara.
Tu Lasha Asghar Ka Sath Aaya.
Padar Ke Zakhmi Badan Pe Rakh Kar.
Chalaya Nanhay Galay Pe Khanjar.
Kahin Pe Talwar Ke Nishaan Hain.
Kahin Pe Naizay Hain Barchiyaan Hain.
Lahu Bhi Zakhmo Se Ris Raha Hai.
Ghareeb Ki Zakhmi Ayeriyaan Hain.
Badan Hai Yeh Chak Chak Haye.
Bhari Hai Zakhmo Mein Khak Haye.
Padar Ke Seene Pe Soney Wali.
Jab Iss Badan Ke Qareeb Pohanchi.
Yeh Aa Ke Shimar Laeen Ne Dekha.
Padar Se Lipati Hoi Thi Beti.
Pakar Ke Baloon Se Jab Choraya.
Badan Zameen Par Tarap Raha Tha.
Hussain Ki Jab Lehad Pe Jana.
:RAZA:-o-:ZEESHAN: Yaad Rakhna.
Bichi Hai Turbat Mein Ik Chatai.
Yeh Dil Ki Aankhon Se Dekh Lena.
Wahin Yeh Zakhmi Badan Rakha Hai.
Sagheer Seene Pe So Raha Hai.
Poet: :Zeeshan Abidi:
Noha Khuwan: :Syed Raza Abbas Zaidi:
Noha Volum: :Syed Raza Abbas Zaidi 2022-23:
Composition: :Syed Raza Abbas Zaidi:
#GhareebeZehraKaBadan
#NohayLyrics
#tajpoint
Ghareeb e Zehra Ka Badan Syed Raza Abbas Lyrics 2022 Write Up Poster Image
