Baad Baba Tere Ab Syed Ali Raza Rizvi Lyrics In Urdu and Roman Urdu
بعد باباؑ تیرے اب
Ashk Mazlomi-e-Haider Pe Bohat Behtay They.
They Barey Betay Tu Woh Gham Bhi Bara Sehtay They.
Aik Pal Ko Na Ali Se Woh Juda Rehtey They.
Lag Ke Taboot-e-Ali Se Yeh Hasan Kehte They.
Baad Baba Tere Ab Jee Nahi Paye Ga Hasan.
Haye Taboot Tera Kaisay Uthaye Ga Hasan.
Tujh Ko Ummat Na Samajh Payi Yehi Tu Gham Hai.
Teri Mazlomi Pe Main Jitna Bhi Ro Loon Kam Hai.
Har Ghari Baba Tera Soag Manaye Ga Hasan.
Kalma Goyon Ne Bohat Aap Ko Tarpaya Hai.
Kaun Sa Gham Hai Jo Ummat Se Nahi Paya Hai.
Aap Ka Sabar Kabhi Bhi Na Bhulaye Ga Hasan.
Jo Bara Beta Ho Woh Baap Ki Ja Hota Hai.
Aap Ke Baad Yehi Soch Ke Dil Rota Hai.
Kis Tarha Choton Se Yeh Ashk Chupaye Ga Hasan.
Oss Ghari Jane Ho Kya Zainab-o-Kulsoom Ka Haal.
Yaad Kar Ke Tujhe Roein Gay Bohat Tere Lal.
Teri Dastar Ko Jab Sar Pe Sajay Ga Hasan.
Sab Jo Roein Gay Galay Sab Ko Lagaon Ga Main.
Yaad Jab Aaye Gi Teri Unhein Samjhaon Ga Main.
Samne Sab Ke Tujhe Ro Nahi Paye Ga Hasan.
Betiyaan Baap Ke Bin Kaisay Bhala Reh Lein Gi.
Mere Chehray Mein Tere Chehray Ko Woh Dhondein Gi.
Samne Behno Ke Jis Waqt Bhi Jaye Ga Hasan.
Mujh Se Chota Hai Woh Par Mujh Se Hai Mazloom Bara.
Ashk Peetey Hoye Chomo Ga Main Bhai Ka Gala.
Pani Shabeer Ko Jis Waqt Pilaye Ga Hasan.
Maa Hai Aakhir Mere Roney Se Samajh Jaye Gi.
Kitna Bachoon Ki Yateemi Unhein Tarpaye Gi.
Jab Lehad Maa Ki Galay Ja Ke Lagaye Ga Hasan.
Aye :ASAD: Bad-e-Ali Kehte They Woh Thamay Jigar.
Zehar Bhi Peena Paray Mujh Ko Tu Pe Loon Ga Magar.
Baba Jaan Teri Wilayat Ko Bachaye Ga Hasan.
Poet: :Asad Ali Asad:
Noha Khuwan: :Syed Ali Raza Rizvi:
Noha Volume: :Syed Ali Raza Rizvi 2021-22:
Composition: :Taha Narisnh:
#BaadBabaTereAb
#NohayLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
