Chehra Lahu Se Baba Ka Tar Hai Syed Ali Naqvi Lyrics In Urdu and Roman Urdu
چہرا لہو سے باباؑ کا تر ہے
Zainab Ki Aankhein Giriya Kuna Hain Chehra Lahu Se Baba Ka Tar Hai.
Mehshar Bapa Hai Sab Ro Rahe Hain Matam Kada Aaj Zahra Ka Ghar Hai.
Talwar Zehar-e-Hilahil Mein Dobi Jo Ibn-e-Muljim Ne Sar Par Hai Mari.
Sar Peet Kar Kehte Hain Roney Walay Rooz-e-Qayamat Sa Har Aik Pehar Hai.
Zakhmi Ali Ko Laye Hain Dekho Sab Chahney Walay Hathoon Pe Apne.
Mushkil Kusha Par Mushkil Pari Hai Giriya Kuna Aaj Har Aik Bashar Hai.
Zakhm Itna Gehra Hai Dekha Na Jaye Kulsoom-o-Zainab Ke Lab Par Hai Haye.
Abbas-o-Hasnain Sab Ro Rahe Hain Baba Ke Chehray Pe Sab Ki Nazar Hai.
Matam Farishton Mein Barpa Howa Hai Aal-e-Nabi Aaj Noha Kuna Hain.
Phaili Hai Har So Jo Qatal-e-Ali Ki Dil Ko Hila Deney Wali Khabar Hai.
Mushkil Kusha Par Rota Hai Koi Khoon Se Musalla Bhegota Hai Koi.
Uth Jaye Na Sar Se Maula Ka Saya Iss Baat Ka Haye Sab Ko Hi Dar Hai.
Roi Azanein Tarpay Hain Sajday Noha Kuna Hai Masjid Minarey.
Tum Ne Namazi Ko Sajday Mein Mara ALLAH Ka Tum Ko Koi Na Dar Hai.
Ro Kar Uthao Taboot-e-Haider Yeh Din Nahi Hai Ashor Se Kam.
Aye Rozay Daro Aanso Bahao Maula Ki Rukhsat Ki Aayi Sahar Hai.
Tanha :SHAKEEL: Ab Nahi Roney Wala Rota Hai Haider Pe Sara Zamana.
Parh Kar Ali Ki Shahadat Ka Noha Be Sakhta Ik Ali Noha Gar Hai.
Poet: :Shakeel Kazmi:
Noha Khowan: :Syed Ali Naqvi:
Noha Volume: :Syed Ali Naqvi 2021-22:
Composition: :Sagar Zaidi & Dilbar Hasan Danish:
#ChehraLahuSeBabaKaTarHai
#NohayLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com