Mola Rotay Jatay Hain Mir Hasan Mir Lyrics Urdu 2022
Mola Rotay Jatay Hain Mir Hasan Mir.
Zainab Ka Chehra Dekhtey Hain Our Maula Rotay Jate Hain.
Abbas Ke Aanso Ponchtay Hain Shabeer Ko Kuch Samjhatay Hain.
Sar Dekh Ke Zakhmi Baba Ka Jab Betiyaan Roney Lagti Hain.
Bachoon Ko Tasali Ki Khatir Zahra Ka Dard Sunatay Hain.
Zakhmi Maula Ki Aankhon Mein Zakhmi Mashkeza Phirta Hai.
Abbas-e-Jarri Ke Hathoon Se Qatil Ko Jaam Pilatay Hain.
Phirta Hai Nigahon Mein Manzar Bazaron Ka Darbaron Ka.
Kuch Dair Ko Ghar Ke Aangan Mein Zainab Ko Sath Chalatay Hain.
Ik Roz Issi Kofay Mein Tumhein Be Pardah Haram Ko Lana Hai.
Abid Ko Laga Kar Seene Se Bazar Ka Haal Sunatay Hain.
Bhai Ke Sath Meri Zainab Jaye Gi Jahan Jane Dena.
Yeh Tum Ko Wasiyat Hai Meri Abdillah Se Farmatay Hain.
Sadaat Ke Roney Ki Jo Sada Parday Se Bahir Aati Hai.
Pehchan Lo Inn Aawazon Ko Logon Se Kehte Jate Hain.
Maloom Tha Ik Din Shano Mein Zainab Ke Rasan Bandh Jaye Gi.
Shabbar Se Keh Ke Qatil Ke Hathoon Se Rasan Khulwatay Hain.
Jab Naza Ki Hichki Aati Hai Zainab Pe Nazar Ruk Jati Hai.
ALLAH Tujhey Aabad Rakhay Honton Se Dua Farmatay Hain.
Pocha Hai :TAKALLUM: Zainab Ne Haider Se Yeh Aakhri Sansoon Mein.
Kyun Bazu Dekhey Jate Hain Kyun Sar Ko Chomay Jate Hain.
Poet: :Mir Takallum Mir:
Noha Khowan: :Mir Hassan Mir:
Noha Volume: :Mir Hassan Mir 2021-22:
Composition: :Raza Shah:
#MolaRotayJatayHain
#NohayLyrics
#tajpoint
Mola Rotay Jatay Hain Mir Hasan Mir Lyrics Urdu 2022 Write Up Poster Image
