Ali Akbar Syed Haider Raza Zaidi Lyrics In Urdu and Roman Urdu
علی اکبرؑ
Sheh Kehte They Haye Haye Mera Beta Ali Akbar.
Mushkil Hai Tere Bin Mera Jeena Ali Akbar.
Rukhsat Woh Tumhein Ran Ki Taraf Karti Hain Lekin.
Jee Paein Gi Na Zainab-o-Laila Ali Akbar.
Arman Keh Haye Shadi Ke Din Sar Pe Tumhare.
Dekha Hai Saja Maut Ka Sehra Ali Akbar.
Seene Se Tere Khainchey Ga Barchi Tera Baba.
Yeh Soch Ke Phatta Hai Kaleja Ali Akbar.
Peena Hai Mujhe Sabar Ka Har Ghont Issi Gham Mein.
Dunya Se Chala Jaye Ga Pyasa Ali Akbar.
Tujh Jaisa Jawaan Lal Duaon Se Mila Hai.
Dekhon Ga Main Kaisay Tera Lasha Ali Akbar.
Iss Alam-e-Ghurbat Mein Ho Yaad Unn Ki Bhi Taza.
Nana Ka Rakho Sar Pe Amama Ali Akbar.
Pehlu Pe Rakhay Hath Hain Maqtal Mein Meri Maa.
Jab Zakhm Lagay Unn Se Chupana Ali Akbar.
Gash Khati Hain Phir Farsh-e-Azza Par Sabhi Maein.
Parhtay Hain Jawaan Jab Tera Noha Ali Akbar.
Yeh Tum Nahi Maqtal Ki Taraf Jate Ho Ghar Se.
Shabeer Ka Uthta Hai Janaza Ali Akbar.
Aye Noor-e-Nazar Phir Nahi Aaye Ga Nazar Yeh.
Jee Bhar Ke Tera Dekh Loon Chehra Ali Akbar.
Jageer Mein Iss Bar :ASAD: Ko Bhi Bola Lein.
Dena Hai Mujhe Khon Ka Pursa Ali Akbar.
Poet: :Asad Ali Asad:
Noha Khuwan: :Syed Haider Raza Zaidi:
Noha Volume: :Syed Haider Raza Zaidi 2022-23:
Composition: :Syed Haider Raza Zaidi:
#AliAkbar
#NohayLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com