Akbar Teri Behna Ko Teri Yaad Satati Hai Lyrics 2022
Akbar Teri Behna Ko Teri Yaad Satati Hai Syed Raza Abbas Zaidi.
Akbar Teri Behna Ko Teri Yaad Satati Hai.
Veeran Haweli Mein Beemar Bulati Hai.
Akbar Tera Wadah Tha Main Lainay Ko Aaon Ga.
Bin Tere Meri Behna Sehra Na Sajaon Ga.
Kaprey Teri Shadi Ke Humsheer Banati Hai.
Veeran Haweli Mein Beemar Bulati Hai.
Khat Bhaija Na Khud Aaye Kya Baat Hoi Bhaiyya.
Main Dais Mein Tanha Hoon Pardais Mein Hai Kunba.
Din Mujh Ko Rolatay Hain Shab Mujh Ko Darati Hai.
Veeran Haweli Mein Beemar Bulati Hai.
Ik Bar Jholaon Main Jhola Ali Asghar Ka.
Dekha Hi Nahi Kab Se Chehra Ali Asghar Ka.
Roti Hoon Nazar Meri Jab Jholay Pe Jati Hai.
Veeran Haweli Mein Beemar Bulati Hai.
Bhaiyya Teri Sughra Ko Dharas Hai Tere Dam Se.
Itna Tu Bata Jao Kyun Door Hoye Hum Se.
Din Beet Gaye Kitne Ab Jan Yeh Jati Hai.
Veeran Haweli Mein Beemar Bulati Hai.
Zakhmi Tha Tera Seena Kal Khuwab Mein Dekha Tha.
Kuch Aag Ke Sholay They Jalta Howa Jhola Tha.
Iss Khuwab Ki Sughra Ko Tabeer Rulati Hai.
Veeran Haweli Mein Beemar Bulati Hai.
Beemar Shifa Paye Akbar Jo Mera Aaye.
Bin Apne Maseeha Ke Ghut Ghut Ke Na Mar Jaye.
Dharkan Tere Aane Ki Bas Aas Bandhati Hai.
Veeran Haweli Mein Beemar Bulati Hai.
Abbas Chacha Tum Hi Baba Se Kaho Ja Kar.
Akbar Nahi Aa Saktay Le Jao Tum Hi Aa Kar.
Dam Ghutta Hai Akbar Ki Jab Yaad Satati Hai.
Veeran Haweli Mein Beemar Bulati Hai.
:ZEESHAN:-o-:RAZA: Ka Bhi Maqbool Ho Yeh Pursa.
Zindah Hai Qayamat Tak :IRFAN: Ka Yeh Noha.
Aawaz Yeh :NASIR: Ki Har Dil Ko Rulati Hai.
Veeran Haweli Mein Beemar Bulati Hai.
Poet: :Allama Syed Irfan Haider Abidi:
Azafai Asghar: :Zeeshan Abidi:
Noha Khuwan: :Syed Nasir Hussain Zaidi:
Noha Khuwan: :Syed Raza Abbas Zaidi:
Noha Volum: :Syed Raza Abbas Zaidi 2022-23:
Composition: :Syed Nasir Hussain Zaidi:
#AkbarTeriBehnaKo
#NohayLyrics
#tajpoint
Akbar Teri Behna Ko Teri Yaad Satati Hai Lyrics 2022 Write Up Poster Image
