Battis Baras Ka Sath Syed Raza Abbas Zaidi Lyrics 2022

Battis Baras Ka Sath Syed Raza Abbas Zaidi

Shabeer Ke Khaimay Mein Qayamat Ka Tha Manzar.
Rukhsat Ke Liye Aaye Jo Abbas-e-Dilawar.
Jab Ro Chukay Abbas Ko Seene Se Laga Kar.
Bhai Ki Taraf Dekh Ke Kehne Lagay Sarwar.

Batees Baras Ka Sath Hai Na Choriye Bhai.
Bhai Ke Liye Maut Hai Bhai Ki Judai.
(Istefada-e-Misra :Mir Babar Ali :ANEES:).

Abbas Mera Dil Ho Tum Hi Jan Ho Meri.
Kya Meri Muhabbat Mein Kami Reh Gayi Koi.
Bhai Se Zyada Tumhein Pyari Hai Tarai.

Ghurbat Mein Mujhe Chor Ke Bhai Na Sidharo.
Khuwaish Hai Meri Qabar Mein Tum Mujh Ko Utaro.
Pardais Mein Ghurbat Humein Kis Moor Pe Layi.

Pardais Mein Shabeer Ka Hai Kaun Sahara.
Bhai Na Miley Ga Mujhe Tum Jaisa Dobarah.
Kyun Chor Ke Jane Ki Khabar Tum Ne Sunai.

Ghazi Meri Behno Ko Bari Aas Hai Tum Se.
Zainab Ko Jo Dharas Hai Woh Ahsas Hai Tum Se.
Tum Sath Ho Iss Wastay Woh Aayi Hai Bhai.

So Jao Gay Tum Bazu Kata Kar Lab-e-Darya.
Ammo Hain Kahan Mujh Se Yeh Pochay Gi Sakina.
Masooma Na Seh Paye Gi Ammo Ki Judai.

Jane Lagay Abbas Tu Nazron Mein Thi Chadar.
Rotay Hoye Abbas Ne Dekha Tha Palat Kar.
Jab Khaima-e-Kulsoom Se Aawaz Yeh Aayi.

Aaya Nahi Phir Laut Ke Saqa-e-Sakina.
Jab Gurz Laga Sar Pe Kaha Haye Sakina.
Shabeer Chaley Khaimay Se De De Ke Duhai.

Darya Pe Kamar Tham Ke Jab Pohanchay Sirhaney.
Ghazi Se Kaha Ro Ke Sheh-e-Karb-o-Bala Ne.
Hai Aap Ki Furqat Ne Kamar Meri Jhukai.

:ZEESHAN:-o-:RAZA: Toot Gayi Aas Haram Ki.
Dam Toor Gaye Shah Ki Aagosh Mein Ghazi.
Shabeer Yeh Kehte Rahe Bhai Mere Bhai.

Poet: :Zeeshan Abidi:
Noha Khuwan: :Syed Raza Abbas Zaidi:
Noha Volum: :Syed Raza Abbas Zaidi 2022-23:
Composition: :Syed Raza Abbas Zaidi:

#BattisBarasKaSath
#NohayLyrics
#tajpoint

Mola Ghazi Shehansha Noha Battis Baras Ka Sath Syed Raza Abbas Zaidi

Ghazi Abbas Alamdar Noha Battis Baras Ka Sath Syed Raza Abbas Zaidi

Battis Baras Ka Sath Syed Raza Abbas Zaidi Lyrics 2022