Maa Bulati Hai Nadeem Sarwar Lyrics In Urdu 2004
Maa Bulati Hai Nadeem Sarwar Lyrics
Bistar Se Thar Thara Ke Uthein Tham Ke Assa.
Qabar-e-Nabi Pe Fateha-e-Aakhri Parha.
Humsayon Ke Ghar Gayin Rukhsat Ko Our Kaha.
Lo Sahibo Bahal Karo Ab Kaun Hai Mera.
Aiza Thi Tum Sabhoon Ko Mere Shoor-o-Shain Se.
Kal Fatima Na Howay Gi Tum Sona Chain Se.
Nagah Shoor Utha Keh Zahra Guzar Gayin.
Amama Sar Se Phaink Ke Roye Imam-e-Dein.
Roti Thin Mil Ke Zainab-o-Kulsoom Bhi Qareen.
Our Door They Hussain Jo Aate Na They Qareen.
Fizza Pukarein Aap Yahan Kya Na Aaein Gay.
Bolay Hussain Amma Pukarein Tu Jaein Gay.
Totay Band-e-Kafan Fatima Ke.
Our Phir Hath Nikley Kafan Se.
Aayi Aawaz Aa Aye Hussain.
Maa Bulati Hai Aa Aye Hussain.
Aaye Shabeer Zahra Ke Lab Youn Hilay.
Chakiyaan Peeas Ke Main Ne Pala Tujhey.
Aa Mere Lal Aa Maa Ke Lag Ja Galay.
Waqt-e-Rukhsat Hai Aisay Nahi Rothtay.
Teri Khatir Main Ja Kar Palat Aayi Hoon.
Dekh Kar Tere Aanso Main Ghabrai Hoon.
Dekh Zair-e-Kafan Gham Se Tharai Hoon.
Tujh Ko Behlane Janat Se Main Aayi Hoon.
Aa Mere Lal Aa Aik Yeh Kam Kar.
Mere Seene Pe Kuch Dair Aaram Kar.
Tu Tu Chalta Tha Ungli Meri Tham Kar.
Yaad Woh Subha Kar Yaad Woh Sham Kar.
Tu Ne Khana Bhi Khaya Keh Khaya Nahi.
Keh De Maa Se Keh Tu Aaj Pyasa Nahi.
Subha Se Munh Kissi Ne Dholaya Nahi.
So Gayi Main Tujhey Kyun Sulaya Nahi.
Dast-e-Zainab Mein Phir De Ke Dast-e-Hussain.
Bolein Zahra Kafan Mein Basad Shoor-o-Shain.
Dekh Zainab Meri Ladli Noor-e-Ain.
Yeh Jo Roya Tu Zahra Na Paye Gi Chain.
Jaiyo Sath Iss Ke Yeh Jaye Jidhar.
Mere Bachay Ki Zainab Hai Tu Humsafar.
Karbala Ka Musafir Hai Mera Pisar.
Gham Ki Badli Na Chaye Mere Chand Par.
Haye Karb-o-Bala Mein Woh Din Aa Gaya.
Shimar Ka Halq-e-Sarwar Pe Khanjar Chala.
Amma Amma Ki Aane Lagi Jab Sada.
Baal Bikhra Ke Zahra Ne Ro Kar Kaha.
Kaisay :REHAN-o-SARWAR: Sar-e-Karbala.
Apne Bachay Ki Gardan Pe Taig-e-Jafa.
Dekhti Hoon Gi Zahra Sar-e-Karbala.
Gonjti Hogi Dasht-e-Bala Mein Sada.
Poet: :Rehan Azmi:
Noha Khuwan: :Nadeem Sarwar:
Noha Volume: :Nadeem Sarwar 2003-04:
#MaaBulatiHai
#NohayLyrics
#tajpoint
Maa Bulati Hai Nadeem Sarwar Lyrics
Maa Bulati Hai Nadeem Sarwar Lyrics In Urdu 2004 Write Up Poster Image
