Abbas Kahan Ho Wajhi Hasan Zaidi Lyrics In Urdu and Roman Urdu
عباسؑ کہاں ہو
Sar Kat Gaya Jab Dasht Mein Zahra Ke Pisar Ka.
Hilti Thi Zameen Kanpta Tha Arsh-e-Mualla.
Surkh Aandhi Chali Khoon Ugalney Laga Sehra.
Wehshat Ka Yeh Aalam Tha Keh Hilta Tha Kaleja.
Thi Aik Qayamat Sar-e-Maqtal Jo Bapa Thi.
Gonji Hoi Sehra Mein Faqat Aik Sada Thi.
Abbas Kahan Ho Aa Jao Jahan Ho.
Seene Pe Sina Kha Chukay Akbar Gaye Marey.
Khali Howa Jhola Ali Asghar Gaye Marey.
Tanha Hoin Syedaniyaan Sarwar Gaye Marey.
Zainab Hai Pareshan Chaley Aao Jahan Ho.
Namoos-e-Payamber Ko Bari Aas Thi Tum Se.
Kya Aisi Khata Bhai Bhala Ho Gayi Hum Se.
Phat Jaye Kaleja Kahin Zainab Ka Na Gham Se.
Kyun Rothay Ho Kis Wastay Nazron Se Nihaan Ho.
Iss Dasht-e-Musibat Mein Kahan Kho Gaye Bhai.
Naizay Ki Anni Aaya-e-Tatheer Tak Aayi.
Aa Jao Zarra Chor Ke Darya Ki Tarai.
Chadar Sar-e-Zainab Se Utarti Hai Kahan Ho.
Yeh Ahl-e-Sitam Our Qayamat Na Macha Dein.
Sab Laut Ke Asbab-e-Haram Aag Laga Dein.
Dar Hai Kahin Beemar Ka Khaima Na Jala Dein.
Phir Chaar Taraf Sirf Dhowaan Sirf Dhowaan Ho.
Dhaney Pe Sitam Our Sitamgar Tulay Hain.
Talwarein Liye Sab Dar-e-Khaima Pe Kharey Hain.
Mardoon Mein Faqat Abid-e-Beemar Bachay Hain.
Khanjar Kahin Abid Ke Galay Par Na Rawaan Ho.
Bacha Koi Rota Hai Idhar Tapoon Mein Aa Ke.
Bachi Koi Roti Hai Udhar Kha Ke Tamachay.
Laon Tu Bhala Laon Zabaan Aisi Kahan Se.
Alfaz Nahi Haal Jo Bachoon Ka Biyaan Ho.
Poet: :Ali Muhammad Rizvi Sachay Bhai:
Noha Khuwan: :Ali Zia Rizvi:
Noha Khuwan: :Syed Wajhi Hasan Zaidi:
Noha Volume: :Syed Wajhi Hasan Zaidi 2022-23:
#AbbasKahanHo
#NohayLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
