Sakina Watan Chalo Rajab Ali Khan Lyrics In Urdu and Roman Urdu
سکینہؑ وطن چلو
Zindan Khul Gaya Hai Sakina Watan Chalo.
Sajjad Keh Ke Gir Para Choti Si Qabar Par.
Mazloom Aisay Gir Para Turbat Pe Behan Ki.
Jaisay Hussain Tha Gira Akbar Ki Lash Par.
Dekho Nahi Rahi Mere Hathoon Mein Ab Rasan.
Jane Laga Hai Qafila Ab Laut Kar Watan.
Lekin Tu Behan Sham Mein Qaidi Hi Reh Gayi.
Kha Kar Tamachay So Gayi Zindaan Ki Khak Par.
Karta Hoon Yaad Ro Ke Main Manzar Woh Dard Ka.
Kano Ke Zakhm Par Jo Tamacha Tujhe Laga.
Baba Ko Tu Sina Pe Sada Deti Reh Gayi.
Baba Sina Pe Rotay They Tab Tujh Ko Dekh Kar.
Amma Ki Tarha Tujh Ko Na Mil Payi Thi Rida.
Baba Ki Tarha Tujh Ko Kafan Bhi Na Mil Saka.
Pathar Bhi Khaye Sham Mein Tu Ne Meri Tarha.
Naqay Se Gir Ke Ho Gayi Teri Bhi Khum Kamar.
Main Le Ke Tujh Ko Sham Se Wapis Na Ja Saka.
Baba Ko Kya Bataon Main Ab Ja Ke Karbala.
Kurtay Mein Dafan Kar Ke Banai Teri Lehad.
Abid Ko Khoon Rulaye Ga Yeh Dard Umar Bhar.
Karbal Mein Chin Gayi Thi Tere Sar Se Jo Rida.
Wapis Main La Chuka Hoon Ossay Dekh Tu Zarra.
Sar Par Main Tere Rakhta Rida Apne Hath Se.
Afsoos Haye Sham Mein Tu Na Rahi Magar.
Amma Ke Bain Sun Ke Nikalti Hai Jaan Meri.
Kehti Hai Umar Bhar Na Woh Saye Mein Jaye Gi.
Kaisay Uthaon Ujari Hoi Maa Ko Tu Bata.
Teri Lehad Se Maa Ki Bhi Hatti Nahi Nazar.
Woh Rukhsat-e-Hussain Pe Zainab Ka Imtehaan.
Aisa Hi Aaj Phir Se Hai Zindan Ka Samaa.
Sajjad Ho Raha Hai Juda Aisay Behan Se.
Uthta Hai Ro Ke Qabar Se Girta Hai Qabar Par.
Likhon :SAHAAB: Kis Tarha Mehshar Ka Marhala.
Tha Gham Ki Inteha Pe Bhi Abid Ka Hosla.
Zindah Behan Ki Qabar Se Uth Kar Chala Gaya.
Ahwal-e-Gham Sunanay Ko Baba Ki Qabar Par.
Poet: :Arif Sahaab:
Noha: :Rajab Ali Khan:
Noha Volume: :Rajab Ali Khan 2022-23:
Composition: :Nayyar Abbas:
#SakinaWatanChalo
#NohayLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
