Abbas Aa Rahe Hain Nadeem Sarwar Lyrics Urdu 1999
Abbas Aa Rahe Hain Nadeem Sarwar Lyrics
Ik Shoor Hai Al-Aman.
Ik Hath Mein Alam Our Mashk-e-Sakina.
Kandhey Par Mashk, Mashk Mein Dil Hai Dalair Ka.
Darya Ko Cheen Lena Nahi Kam Dair Ka.
Ahsan Tashnagi Mein Miley Ga Na Ghair Ka.
Bigra Howa Mizaj Hai Haider Ke Shair Ka.
Chehra Hai Wal Qamar Ki Ziyaon Se Noor Noor.
Aankhon Se Jhankta Howa Wal Najam Ka Surror.
Bala Qadi Hai Aisi Keh Sharmaye Koh-e-Toor.
Zulfein Daraz Aisi Keh Wal Lail Ka Shaoor.
Pyasa Hai Shair Ghaat Ka Rasta Na Rokna.
Aankhein Jhukao Shair Ki Janib Na Dekhna.
Kaisay Bachay Gi Jan Yeh Lazim Hai Sochna.
Abbas Hai Jalal Mein Hargiz Na Tokna.
Tewar Bata Rahe Hain Qayamat Uthaye Ga.
Taig-e-Nazar Se Iss Ki Khuda Hi Bachaye Ga.
Aaya Jo Samne Koi Woh Mara Jaye Ga.
Ik Mashk Mein Furat Ko Bhar Kar Dikhaye Ga.
Qabza Howa Furat Par Al-Qissa Mukhtasir.
Pani Ko Dekha Phat Gaya Abbas Ka Jigar.
Aankhein Lahu Lahu Hoin Bachoon Ki Pyas Par.
Bali Sakina Bachoon Se Kehti Rahi Udhar.
Khaimay Ke Dar Pe Pyasi Sakina Thi Muntazir.
Junbish Alam Ki Dekh Ke Deti Thi Yeh Khabar.
Tashna Labon Dua Mein Tumhari Howa Asar.
Woh Dekho Aa Raha Hai Chacha Ka Alam Nazar.
Aaya Alam Zaror Magar Khon Mein Bhara.
Zainab Ne Sar Ko Peet Ke Shabeer Se Kaha.
Kyun Khum Kamar Hai Aap Ki Ghazi Kahan Gaya.
Bolay Hussain Ab Koi Pyasa Na De Sada.
Barhaq Hai Maut Kehti Hai Quran Si Kitab.
Sab Ko Fana Hai Chand Ho Taray Hoon Aaftab.
Hoga Nadeem :SARWAR:-o-:REHAN: Jab Hisab.
Keh Dein Gay Hum Khuda Se Keh Deney Ko Ab Jawab.
Poet: :Rehan Azmi:
Noha Khuwan: :Nadeem Sarwar:
Noha Volume: :Nadeem Sarwar 1998-99:
#AbbasAaRaheHain
#NohayLyrics
#tajpoint
Old Noha Abbas Aa Rahe Hain Nadeem Sarwar Lyrics
Abbas Aa Rahe Hain Nadeem Sarwar Lyrics Urdu 1999 Write Up Poster Image
