Akbar Tumhare Baad Mir Yousuf Mir Lyrics In Urdu 2021
Akbar Tumhare Baad Mir Yousuf Mir
Koi Nahi Hussain Ka Hoga Tumhare Baad Akbar Tumhare Baad.
Ho Jaon Ga Main Our Akela Tumhare Baad Akbar Tumhare Baad.
Atharah Saal Se Tumhein Maloom Hai Pisar.
Meri Tu Sans Aati Hai Seene Ko Chom Kar.
Ruk Jaye Ga Yeh Dam Mera Beta Tumhare Baad.
Akbar Tumhare Baad.
Laila Pukari Phir Se Nigahein Hain Be Qarrar.
Chehra Dikha Lo Maa Ko Dobarah Se Aik Bar.
Aankhon Mein Meri Noor Na Hoga Tumhare Baad.
Akbar Tumhare Baad.
Daman Pakar Ke Kehti Hai Be Sheer Ki Behan.
Lagta Hai Mere Hathoon Mein Bandh Jaye Gi Rasan.
Marey Ga Shimar Mujh Ko Tamacha Tumhare Baad.
Akbar Tumhare Baad.
Oss Ko Tu Sans Aati Hai Bhai Ke Naam Par.
Tum Mar Gaye Ho Pohanchay Gi Jis Dam Ossay Khabar.
Kaisay Jiye Gi Fatima Sughra Tumhare Baad.
Akbar Tumhare Baad.
Main Kis Tarha Se Lash Tumhari Uthaon Ga.
Mujh Par Laeen Hansein Gay Main Aanso Bahaon Ga.
Mera Bachay Ga Ran Mein Tamasha Tumhare Baad.
Akbar Tumhare Baad.
Takleef Hogi Phir Kaha Zahra Ke Chain Ko.
Rukhsat Hi Mar De Gi Tumhare Hussain Ko.
Khanjar Faqat Galay Pe Chaley Ka Tumhare Baad.
Akbar Tumhare Baad.
:SAJJAD: Bolay Sab Yahan Mojood Hain Laeen.
Tum Bhi Na Ho Gay Our Mere Abbas Bhi Nahi.
Kaisay Uthay Ga Mera Janaza Tumhare Baad.
Akbar Tumhare Baad.
Poet: :Mir Sajjad Mir:
Noha Khuwan: :Mir Yousuf Mir:
Noha Volume: :Mir Yousuf Mir 2021-22:
Composition: :Raza Shah:
#AkbarTumhareBaad
#NohayLyrics
#tajpoint
Akbar Tumhare Baad Mir Yousuf Mir Lyrics In Urdu 2021 Write Up Poster Image
