Yousuf e Zahra Ajao Joan Rizvi Lyrics In Urdu 2023
Yousuf e Zahra Ajao Joan Rizvi
Aye Yousuf-e-Zahra Kahan Ho Aa Jao.
Aye Waqt Ke Hussain Hamara Salam Ho.
Sadiyon Ke Intezar Ka Ab Ahtatam Ho.
Woh Hai Yateem Gaib Mein Jis Ka Imam Ho.
Aye Maula Ab Hamari Yateemi Tamam Ho.
Kuch Tu Bataiye Mere Maula Kahan Hain Aap.
Hum Ko Bhi Pas Apne Bola Lein Jahan Hain Aap.
Aye Ibn-e-Murtaza Meri Bas Eid Aap Hain.
Baqi Hai Jo Woh Hujjat-e-Tauheed Aap Hain.
Jis Ki Humein Talash Hai Woh Deed Aap Hain.
Maula Hamari Aakhri Umeed Aap Hain.
Hum Muntazir Hain Jald Sada Dijiye Humein.
Kab Aaein Gay Bas Itna Bata Dijiye Humein.
Har Din Hi Ab Udas Hai Har Din Lahu Lahu.
Kis Ko Sunaein Haal Karein Kis Se Guftgu.
Dobay Hoye Lahu Mein Musalay Hain Chaar So.
Aye Muntaqim Yehi Hai Shaheedon Ki Aarzu.
Jari Hai Masjidon Mein Dhamakon Ka Silsila.
Aa Jaiye Hussain Ke Sajday Ka Wasta.
Matam Karein Baqiya Mein Hasrat Hai Bas Yehi.
Har Dam Ali Wali Ki Amanat Hai Zindagi.
Yeh Ishq Ki Sada Hai Yeh Ruk Na Sakay Kabhi.
Kehte Rahein Azaan Mein Bila Fasl Hai Ali.
Rakh Lijiye Imam-e-Zamana Bharam Mera.
Nikley Ali Wali Ki Wilayat Pe Dam Mera.
Jis Waqt Aap Pardah-e-Ghaibat Uthaein Gay.
Kabay Ki Chat Pe Parcham-e-Ghazi Sajaein Gay.
Bibi Ka Apne Hathoon Se Roza Banaein Gay.
Pabandiyon Ki Qaid Se Hum Ko Choraein Gay.
Haq Bolne Mein Phir Na Takiya Karein Gay Hum.
Gasib Ka Naam Le Ke Tabarah Karein Gay Hum.
Maula-e-Mashreqain Aye Maula-e-Maghribain.
Pori Ho Yeh Tamana Tu Aa Jaye Dil Ko Chain.
Misal-e-Saeed-o-Jaun Habib Our Zuhair e Qain.
Nusrat Karein Hum Aap Ki Aye Waqt Ke Hussain.
Hasrat Hai Jab Bhi Aapka Qayam Nizam Ho.
Maula Hamara Teen So Terah Mein Naam Ho.
Paidal Najaf Se Karb-o-Bala Jab Chala Hoon Main.
Maula Har Ik Qadam Pe Tumhein Dhondta Hoon Main.
Khidmat Guzar e Ishq Se Jab Bhi Mila Hoon Main.
Dekha Hai Mere Maula Ko Yeh Pochta Hoon Main.
Hum Zairon Pe Maula Karam Ki Nazar Karein.
Iss Arbaeen Aap Ke Pichey Safar Karein.
Seene Mein Dil Hai Our Dilon Mein Makeen Hain Aap.
Baqi Hai Jis Ke Dam Se Jahan Woh Yaqeen Hain Aap.
Sab Hain Nazar Keh Samne Lekin Nahi Hain Aap.
Dhondney Jisay Hamari Nazar Woh Haseen Hain Aap.
Aye Yousuf-e-Batool Yeh Pardah Uthaiye.
Tarsi Hoi Nigahon Ko Chehra Dikhayiye.
Aapas Mein Lar Rahe Hain Yeh Kaisay Naseeb Hain.
Gali Khateeb Koi Muqassar Khateeb Hain.
Kyun Be Khabar Hain Aap Hamarey Qareeb Hain.
Yeh Sab Ameer Hokay Bhi Kitne Ghareeb Hain.
Kijiye Khud Aap Jhotay Aqeedon Ka Ahtatam.
:ZEESHAN o JAUN: Ki Hai Sada Al-Ajal Imam.
Poet: :Zeeshan Abidi:
Manqabat Khuwan: :Joan Rizvi:
Manqabat Volum: :Joan Rizvi 2022-23:
Composition: :Own Rizvi:
#YousufeZahraAjao
#ManqabatLyrics
#tajpoint
15 Shaban Manqabat Yousuf e Zahra Ajao Joan Rizvi
Îmam Mehdi AS Manqabat Yousuf e Zahra Ajao Joan Rizvi
Yousuf e Zahra Ajao Joan Rizvi Lyrics In Urdu 2023 Write Up Poster Image
