Jab Yousuf e Hussain Ka Mukhtar Hussain Lyrics 2012
Jab Yousuf e Hussain Ka Mukhtar Hussain Fatehpuri.
Jab Yousuf-e-Hussain Ka Phaila Jahan Mein Noor.
Har Zarrah Zofshaan Howa Dunya Ka Misal-e-Toor.
Tareekiyaan Thin Arz-e-Madina Se Door Door.
Akbar Ka Kainat Mein Aisay Howa Zahoor.
Gul Tha Ujalay Shab Ke Andheron Pe Cha Gaye.
Akbar Nahi Rasool Zamane Mein Aa Gaye.
Phaili Hoi Thi Roshni Akbar Ki Chaar So.
Abbas Bolay Aa Ke Yeh Maula Ke Robaro.
Hai Qalb Mein Zyarat-e-Akbar Ki Aarzu.
Yeh Keh Ke Gaud Mein Liya Laila Ke Mah-e-Ru.
Dunya Ko Di Khabar Yeh Sitaron Ki Maand Ne.
Soraj Utha Liya Bani Hashim Ke Chand Ne.
Akbar Tera Zahoor Zamane Mein Jab Howa.
Har Ashiq-e-Rasool Pe Yeh Raaz Khul Gaya.
Be Saya They Rasool Tu Aakhir Sabab Tha Kya.
Aayi Kissi Ki Gosh e Aqeedat Mein Yeh Sada.
Saya Chupa Ke Rakha Arsh-e-Bareen Par.
Akbar Utarna Tha Khuda Ko Zameen Par.
Yousuf Faqat Hasen Yeh Husan-e-Tamam Hai.
Iss Ki Ragoon Mein Khon Sheh-e-Khas-o-Aam Hai.
Tara Bolana Iss Ke Isharon Ka Kam Hai.
Soraj Yeh Chand Iss Ke Khiloney Ka Naam Hai.
Hai Asal-e-Kainat Yeh Dein Ka Usool Bhi.
Hai Aik Waqt Mein Yeh Ali Bhi Rasool Bhi.
Roshan Issi Ke Noor Se Hai Kainat-e-Husan.
Sansoon Se Iss Ki Chalti Hai Nabz e Hayat-e-Husan.
Iss Ki Zabaan Ko Chom Rahi Hai Lughaat e Husan.
Lipta Howa Hai Qadmo Se Iss Ke Sabaat e Husan.
Yeh Wirsa Dar-e-Husan-e-Risalat Maab Hai.
Iss Phool Ka Paseena Bhi Arq e Ghulab Hai.
Aisa Paseena Jis Se Zolekha Karey Wozu.
Aab-e-Baqa Mein Badlay Jo Darya Karey Wozu.
Beemar Ban Ke Iss Ka Maseeha Karey Wozu.
Jis Se Namaz Ke Liye Kaba Karey Wozu.
Yeh Qudsiyoon Ke Wastay Wajah-e-Sharf Banay.
Zarrah Jo Iss Se Mas Ho Woh Durray Najaf Banay.
Tasleem Kar Liya Mere Husan-e-Qabool Ne.
Dunya Ko Dein Baharein Issi Aik Phool Ne.
Yeh Martaba Bhi Paya Shabeeh-e-Rasool Ne.
Pala Hai Iss Ko Gaud Mein Bint-e-Batool Ne.
Hairan Hoon Ke Palney Wali Ko Kya Kahon.
Bint-e-Asad Kahon Ya Ossay Aamna Kahon.
Kya Martaba Biyan Ho Aisay Hasen Ka.
Aawaz De Rahi Hai Musalsal Yeh Karbala.
Iss Jaisa Koi Hai Na Kabhi Hoga Our Na Tha.
Tareekh Likh Chuki Hai :TAKALLUM: Yeh Faisla.
Akbar Ke Jaisa Koi Jawaan Sin Nahi Mila.
Ab Tak Azaan Ko Aisa Moazzin Nahi Mila.
Poet: :Mir Takallum Mir:
Manqabat Khuwan: :Mukhtar Hussain Fatehpuri:
Manqabat Volume: :Mukhtar Hussain Fatehpuri 2011-12:
#JabYousufeHussainKa
#ManqabatLyrics
#tajpoint
New Manqabat Jab Yousuf e Hussain Ka Mukhtar Hussain
Shehzada e Ali Akbar Manqabat Jab Yousuf e Hussain Ka Mukhtar Hussain Fatehpuri
Jab Yousuf e Hussain Ka Mukhtar Hussain Lyrics 2012 Write Up Poster Image
