Bara Roi Sakina Yahan Nadeem Sarwar Lyrics In Urdu 2008
Bara Roi Sakina Yahan Nadeem Sarwar.
Choti Shehzadi Ka Hai Yahin Par Qiyam.
Aaj Rozay Pe Hai Roshni Subha-o-Sham.
Pursa Daroon Ka Hai Matami Azdaham.
Phat Raha Hai Jigar Sochta Hoon Agar.
Kaisa Tareek Tha Kaisa Veeran Tha.
Kaisa Veeran Tha Kal Yeh Zindan Tha.
Bara Roi Sakina Yahan.
Haan Yeh Hai Shehar-e-Sham.
Itni Wehshat Keh Ik Pal Na Guzrey Jahan.
Cheekhti Hoon Jahan Sirf Tanhaiyaan.
Rona Kya Siskiyon Par Bhi Pabandiyaan.
Rasiyon Beriyon Tauq Ke Darmiyaan.
Sar Khulay Khak Par Ghamzada Bibiyaan.
Oss Mein Qasim Ki Akbar Ki Asghar Ki Maa.
Mang Ujari Hoi Khali Thin Godiyaan.
Sab Ki Himmat Bandhati Thi Zainab Jahan.
Haan Issi Sham Ke Beech Bazar Mein.
Bibiyaan Pathron Ki Thin Bochar Mein.
Khoon Mein Dobi Muhammad Ki Thi Betiyaan.
Har Taraf Sham Mein Jashan Ka Tha Samaa.
Dekh Kar Bint-e-Zahra Ka Youn Sar Khula.
Nook-e-Naiza Se Ghazi Ka Sar Gir Gaya.
Haye Ghazi Ki Ghairat Ka Yeh Imtehaan.
Sar Patakne Lagin Sari Shehzadiyaan.
Ik Qayamat Si Darbar Mein Aa Gayi.
Jab Sakina Kaneezi Mein Mangi Gayi.
Na Padar Na Chacha Bhai Bhi Na Tawaan.
Torein Sajjad Ne Ghaiz Mein Beriyaan.
Dukhtar-e-Hind Boli Sakina Bata.
Kaisay Daman Jala Kyun Hai Kurta Phata.
Orhni Tere Sar Ki Gayi Hai Kahan.
Khainch Lein Kis Shaqi Ne Teri Baliyaan.
Boli Kya Haal Apna Bataon Tujhey.
Chor Ke Jab Se Baba Gaye Hain Mujhe.
Main Yateem Ho Gayi Our Kya Ho Biyaan.
Meri Gardan Mein Bandhi Gayin Rasiyaan.
Our Ik Roz Zindan Roney Laga.
Jab Sakina Ko Baba Ka Sar Mil Gaya.
Boli Ab Aaye Ho Tum Mere Baba Jaan.
Itnay Din Door Mujh Se Rahe Ho Kahan.
Roein :REHAN-o-SARWAR: Ki Aankhein Lahu.
Roza-e-Shah Zadi Pe Ki Guftgu.
Haye Iss Waqt Hum Tum Kharey Hain Jahan.
Noor Hi Noor Hai Kal Thin Tareekiyaan.
Poet: :Rehan Azmi:
Noha Khuwan: :Nadeem Sarwar:
Noha Volume: :Nadeem Sarwar 2007-08:
#BaraRoiSakinaYahan
#NohayLyrics
#tajpoint
Bara Roi Sakina Yahan Nadeem Sarwar Old Noha
Bara Roi Sakina Yahan Nadeem Sarwar Lyrics In Urdu 2008 Write Up Poster Image
