Tu Hai Bara Rehman Mola Nadeem Sarwar Lyrics Urdu 1994

Tu Hai Bara Rehman Mola Nadeem Sarwar Lyrics Urdu 1994

Tu Hai Bara Rehman Mola Nadeem Sarwar

Ahsan Hum Pe Hai Tera Aye Rab-e-Zuljalal.
Ummat Mein Oss Ki Paida Kiya Jo Hai Be Misal.
Dukhtar Batool Jis Ki Hasan Our Hussain Lal.
Lahmoka Lahmi Jiska Ali Jaisa Ba Kamal.
Quran-o-Ahl-e-Bait Ko Tu Ne Kiya Yak Jaan.

Aadam Se Taba Mehdi-e-Aakhir Teri Atta.
Tere Karam Ke Bar Talay Sare Anbiya.
Mosa Ke Haq Mein Neel Mein Rasta Bana Diya.
Masloob Ho Ke Esa Ke Lab Par Thi Yeh Sada.
Har Dil Mein Tu Maken Hai Kehne Ko La Makaan.

Mairaj Par Gaye Jo Rasool-e-Falak Janab.
Mabood-o-Abd Mein Na Raha Jab Koi Hijab.
ALLAH Ne Nabi Se Kiya Oss Ghari Khitab.
Darkar Kiya Hai Tum Ko Mujhe Chahiye Jawab.
Bolay Rasool Bakhsh De Ummat Ko De Amaan.

Rab Ne Kaha Ada Karo Haq-e-Pyamberi.
Jis Waqt Aaye Rah Mein Manzil Ghadeer Ki.
Takmeel-e-Deen Karna Hai Oss Waqt Aye Nabi.
Maidan-e-Khum Mein Iss Tarha Maula Hoye Ali.
Akmaltu Lakum Deen Ka Ho Jaye Ga Samaan.

Zahra Ke Ghar Sitara Jo Utra Tu Yeh Khula.
Mehboob Panjtan Ko Bohat Rakhta Hai Khuda.
Maktab Hasan Hussain Ka Yeh Ghar Bana Raha.
Masnad Nabi Ki Iss Mein Musalla Ali Ka Tha.
Chokhat Pe Jis Ki Rehta Hai Jibreel Sa Darbaan.

Iss Ghar Ka Fard Fard Khuda Se Tha Humkalam.
Sajday Mein Sar Hussain Ka Lab Par Khuda Ka Naam.
Khanjar Talay Khuda Se Yeh Kehte Rahe Imam.
Sar Teri Nazar Karta Hoon Ghar De Chuka Tamam.
Aata Hoon Teri Simt Main Deta Howa Azaan.

Akbar Nisar Kar Diya Asghar Bhi De Diya.
Abbas Our Qasim-o-Hur Ko Bhi Ro Chuka.
Zainab Ke Dono Bachoon Ko Sehra Mein Kho Chuka.
Ab Dast-e-Zulm Chadar-e-Zainab Tak Aa Gaya.
Le Dekh Le Hussain Ke Chehray Ka Itmenaa.

Khaimon Se Aag Aag Se Uthata Howa Dhowaan.
Nana Sa Aik Jhola Hai Sholon Ke Darmiyaan.
Daman Jala Sakina Ka Kaisay Bhujaye Maa.
Bandhi Gayi Hain Hathoon Mein Zainab Ke Reesma.
Ujra Howa Hai Qafila Sajjad Sarbaan.

Aayi Sada Hussain Ki Aye Qadir-o-Qadeer.
Beti Ali Ki Meri Behan Ho Gayi Aseer.
Be Dast Mera Bhai Hai Tu Sab Ka Dastgeer.
Kofay Ki Shehzadiyaan Kaisay Hoin Faqeer.
Phir Bhi Main Nook-e-Naiza Pe Deta Hoon Yeh Biyaan.

Hamd-e-Khuda Hai Naat-e-Nabi Zikar-e-Panjtan.
Iss Ke Siwa Tu Kuch Bhi Nahi Hai Mera Sukhan.
Yaad-e-Hussain Hai Mera Sarmaya-e-Nehan.
Hai Karbala Ki Khak Se Aasoda Jo Badan.
Kaisay Fishar-e-Qabar Ho Phir :SARWAR-o-REHAAN:.

Poet: :Rehan Azmi:
Noha Khuwan: :Nadeem Sarwar:
Noha Volume: :Nadeem Sarwar 1993-94:

#TuHaiBaraRehmanMola
#NohayLyrics
#tajpoint

Tu Hai Bara Rehman Mola Nadeem Sarwar

Tu Hai Bara Rehman Mola Nadeem Sarwar Lyrics

Tu Hai Bara Rehman Mola Nadeem Sarwar Lyrics Urdu 1994 Write Up Poster Image

Tu Hai Bara Rehman Mola Nadeem Sarwar Lyrics Urdu 1994

Video Link