Aa Merey Pyare Hussain Nadeem Sarwar Lyrics In Urdu 2001
Aa Merey Pyare Hussain Nadeem Sarwar.
Aa Meri Gaud Ke Palay Mere Hussain Aa.
Mere Ghareeb Aa Zara Maa Ke Qareeb Aa.
Seena Figar Hai Tera Mujh Ko Hai Yeh Pata.
Dasht-e-Bala Mein Fatima Zahra Ki Thi Sada.
Kis Ne Mere Jigar Pe Yeh Khanjar Chala Diya.
Kis Ne Mere Hussain Ko Pani Nahi Diya.
Khud Chal Ke Kyun Na Aa Gaya Darya Ko Howa.
Ik Bar Maa Pukar Ke Godi Mein Lait Ja.
Seh Roz Ki Yeh Pyas Yeh Jalti Hoi Zameen.
Chehra Lahu Lahu Tera Do Neem Hai Jabeen.
Mazloom Mere Lal Ke Jaisa Koi Nahi.
Teeron Se Mere Lal Ka Seena Bhara Howa.
Pehle Tu Baba Jan Ko Roi Main Zaar Zaar.
Roi Ali Ko Qabar Mein Dil Ho Gaya Figar.
Ik Lal Tha Hasan Mera Oss Ki Hoon Sogowar.
Ab Tere Gham Ne Qabar Mein Rehne Nahi Diya.
Aata Hai Yaad Mujh Ko Madine Mein Apna Ghar.
Chakki Main Peesti Thi Magar Tum Pe Thi Nazar.
Tum Ko Sulaya Karti Thi Raton Ko Jaag Kar.
Ab Main Jagane Aayi Hoon Aye Lal Jaag Ja.
Ik Bar Maa Pukar Le Bilkul Ossi Tarha.
Jholay Mein Jholtay Hoye Kehte They Jis Tarha.
Woh Bachpana Tera Mujhe Bholay Ga Kis Tarha.
Mere Beghair Chain Se Ik Pal Nahi Raha.
Maa Hoon Mujhe Bata Tere Seene Pe Kya Howa.
Kyun Hai Kamar Jhuki Hoi Chehra Lahu Bhara.
Abbas Hai Kahan Ali Akbar Kahan Gaya.
Haan Thak Gaya Hai Aa Meri Godi Mein Lal Aa.
Sheh Ke Alam Se Seena-e-:SARWAR: Figar Haye.
:REHAN: Yeh Qalam Bhi Bohat Ashk Bar Hai.
Kaisi Lahu Lahu Bhari Maa Ki Pukar Hai.
Tukray Jigar Ke Karti Hai Zahra Ki Yeh Sada.
Poet: :Rehan Azmi:
Noha Khuwan: :Nadeem Sarwar:
Noha Volume: :Nadeem Sarwar 2000-2001:
#AaMereyPyareHussain
#NohayLyrics
#tajpoint
Old Noha Aa Merey Pyare Hussain Nadeem Sarwar
Aa Merey Pyare Hussain Nadeem Sarwar Lyrics In Urdu 2001 Write Up Poster Image
