Allah Janey Kahan Ho Aey Baba Nadeem Sarwar Lyrics In Urdu and Roman Urdu
اللہ جانے کہاں ہو اے باباؑ
Jab Sham Ke Zindaan Mein Hoi Sham Haram Ko.
Ik Aan Na Rahat Thi Na Aaram Haram Ko.
Har Bar Tapakta Tha Lahu Ashk-e-Rawaan Se.
Zindan Larazta Tha Sakina Ki Fogaan Se.
ALLAH Jane Kahan Ho Aye Baba.
Kitni Ratein Guzar Gayin Baba.
Chotay Se Sin Mein Qaidi-e-Zindan Ho Gayi.
Baba Main Kyun Na Aap Pe Qurban Ho Gayi.
Dil Mein Jo Mere Dard Hai Khaliq Ke Hai Ayyaan.
Kis Ko Kahon Main Baap Mera Baap Hai Kahan.
Tum Be Kafan Main Be Saro Saman Ho Gayi.
Kya Kya Na Khalq Kalmay Haqarat Ke Keh Gayi.
Main Bekasi Se Dekh Ke Munh Sab Ka Reh Gayi.
Kurta Phata Howa Meri Pehchan Ho Gayi.
Gar Aah Ki Tu Shimar Pukara Khamosh Ho.
Our Chup Hoi Tu Be Padari Ne Kaha Ke Ro.
Inn Aaftoon Mein Ghir Ke Pareshan Ho Gayi.
Be Jurm Kan Zakhmi Hoye Our Tamachay Khaye.
Jo Chahe Mujh Falak Ki Satai Ko Phir Sataye.
Shehzadi-e-Hussain Ki Yeh Shan Ho Gayi.
Sadqay Gayi Batao Kahan Hain Mere Padar.
Aaein Padar Tu Jaye Sakina Bhi Apne Ghar.
Kyun Aisay Zalimo Ki Main Mehman Ho Gayi.
Poti Hoon Osski Jo Keh Hai Konain Ka Ameer.
Jis Ne Hazaro Qaid Se Churwa Diye Aseer.
Ummat Nabi Ki Dekh Ke Anjan Ho Gayi.
Jab Sar Pe Shah-e-Dein Ke Sakina Ne Ki Nazar.
Chillayi Ro Ke Haye Ghazab Mar Gaye Padar.
Baba Ke Sar Ko Dekh Ke Hairan Ho Gayi.
Munh Rakh Ke Munh Pe Shah Ke Roi Jo Dil Figar.
Sadma Howa Nikalne Lagi Tan Se Jan-e-Zaar.
Nanhi Si Jan Jan Se Be Jan Ho Gayi.
Bas Aye :ANEES: Bazm Mein Hai Giriya-o-Boka.
Sadiyon Talak Rulaye Ga Sab Ko Yeh Marsiya.
Bali Sakina Karb Ka Unwan Ho Gayi.
Poet: :Mir Babbar Ali Anees:
Noha Khuwan: :Nadeem Sarwar:
Noha Volume: :Nadeem Sarwar 2004-05:
#AllahJaneyKahanHoAeyBaba
#NohayLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
