Fatima Khamosh Hai Meesum Kashmiri Lyrics Urdu 2022
Fatima Khamosh Hai Meesum Kashmiri.
Sab Ke Chehray Pe Udasi Thi Ali Ka Ghar Tha.
Fatima Zahra Ki Maiyyat Pe Ajab Manzar Tha.
Ghar Ali Ka Ro Raha Hai Fatima Khamosh Hai.
Har Taraf Matam Bapa Hai Fatima Khamosh Hai.
Dekho Aye Ahl-e-Madina Ab Woh Zahra Chal Basi.
Jis Ke Roney Se Pareshani Tumhein Hoti Rahi.
Chain Tum Ko Mil Gaya Hai Fatima Khamosh Hai.
Maa Ki Maiyyat Se Lipat Kar Kyun Nahi Roye Hussain.
Loriyaan Ab Kaun De Ga Kis Tarha Soye Hussain.
Oss Ko Yeh Sadma Bara Hai Fatima Khamosh Hai.
Dekha Jab Amma Ke Chehray Par Tamachay Ka Nishaan.
Ho Gaye Maula Hasan Ki Aankh Se Aanso Rawaan.
Haal Beta Pochta Hai Fatima Khamosh Hai.
Janti Hain Fatima Kyun Zulm Dhaney Aaye They.
Woh Ali Ki Dushmani Mein Ghar Jalanay Aaye They.
Jab Se Darwaza Gira Hai Fatima Khamosh Hai.
Dard Mein Bhi Muskurai Woh Ali Ko Dekh Kar.
Pasliyaan Totein Shikasta Ho Gaya Pehlu Magar.
Sabar Ki Yeh Inteha Hai Fatima Khamosh Hai.
Main Tumhari Ladli Hoon Maa Mujhe Aawaz Do.
Maa Ke Qadmo Se Lipat Kar Rokay Kehti Hai Utho.
Jab Se Zainab Ne Suna Hai Fatima Khamosh Hai.
:MEESUM-o-ZEESHAN: Ghar Se Jab Janaza Uth Gaya.
Khud Dar-o-Dewar Ne Ro Ro Ke Yeh Noha Kiya.
Ghar Yeh Verana Howa Hai Fatima Khamosh Hai.
Poet: :Zeeshan Abidi:
Noha Khuwan: :Meesum Kashmiri:
Noha Volum: :Meesum Kashmiri 2022-23:
Composition: :Zeeshan Abidi:
#FatimaKhamoshHai
#NohayLyrics
#tajpoint