Kyun Chor Jati Hai Maa Syed Raza Abbas Zaidi Lyrics 2023

Kyun Chor Jati Hai Maa Syed Raza Abbas Zaidi

Gir Chuka Dar Fatima Par.
Ab Hai Zakhmi Muhammad Ki Beti.

Haye Ik Din Sar Jhukaye.
Apne Hujray Mein Bethi Hoi Thi.

Phir Hussain Aa Ke Amma Se Kehne Lagay.
Aankh Mein Kyun Hain Aanso Batao Mujhe.

Fatima Ne Kaha Mere Noor-e-Nazar.
Aaj Amma Ki Yaad Aa Rahi Hai Mujhe.

Sun Ke Maa Ki Sada Dil Tarapney Laga.
Ro Ke Shabeer Ne Fatima Se Kaha.

Kyun Chor Jati Hai Maa.

Ungli Pakar Ke Chalaya Seene Se Tum Ne Lagaya.
Inn Teen Saloon Mein Amma Tum Ne Bohat Kuch Sikhaya.
Maa Se Bichar Ke Jeetay Hain Kaisay Kya Yeh Sikhati Hai Maa.

Darwaza Jab Se Gira Hai Pehlu Shikasta Howa Hai.
Totein Hoi Pasliyaan Hain Shabeer Sab Janta Hai.
Takleef Mein Hoon Bachoon Ko Apne Kab Yeh Batati Hai Maa.

Iss Fikar Mein Jaag Jana Pyasa Na Ho Mera Beta.
Ahsas Hai Mujh Ko Amma Kya Pyar Hota Hai Maa Ka.
Raton Ko Uth Kar Betay Ko Apne Pani Pilati Hai Maa.

Qissa Mujhe Aik Maa Ka Bhaiyya Hasan Ne Sunaya.
Beta Wahin Samne Tha Jab Maa Ne Khaya Tamacha.
Ab Apne Ghar Mein Beton Se Apna Chehra Chupati Hai Maa.

Jab Se Laga Taziyana Mushkil Tha Mujh Ko Sulana.
Jab Hath Dekha Tumhara Tab Ja Ke Main Ne Yeh Jana.
Hoon Hath Zakhmi Phir Bhi Thapak Kar Lori Sunati Hai Maa.

Shabeer Ne Phir Sada Di Kya Chor Jao Gi Tum Bhi.
Kyun Aisa Kehti Ho Amma Rehti Nahi Maa Kissi Ki.
Acha Batao Kya Door Ja Ke Phir Laut Aati Hai Maa.

Maa Ne Kaha Phir Yeh Shabeer Se Har Maa Tu Aati Nahi Laut Ke.
Aye Mere Dil Mere Noor-e-Nazar Zahra Ka Ab Tum Se Wadah Hai Yeh.
Jab Tum Bulao Gay Aaye Gi Maa Seene Se Tum Ko Lagaye Gi Maa.

Ik Roz Aisa Bhi Aaya Tha Fatima Ka Janaza.
Rukh Se Kafan Jab Hataya Shabeer Ne Maa Se Pocha.
Zair-e-Kafan Bhi Aawaz Sun Kar Aanso Bahati Hai Maa.

Bin Maa Ke Bachoon Se Aa Ke Jab Haal Pocha Ali Ne.
Haye :RAZA: Our :ZEESHAAN: Shabeer Ro Ro Ke Bolay.
Aye Baba Ghar Mein Lagta Nahi Dil Jab Yaad Aati Hai Maa.

Poet: :Zeeshan Abidi:
Noha Khuwan: :Syed Raza Abbas Zaidi:
Noha Volum: :Syed Raza Abbas Zaidi 2022-23:
Composition: :Syed Raza Abbas Zaidi:

#KyunChorJatiHaiMaa
#NohayLyrics
#tajpoint

New Noha Kyun Chor Jati Hai Maa Syed Raza Abbas Zaidi

Âyyam e Fatamiya Noha Kyun Chor Jati Hai Maa Syed Raza Abbas Zaidi

Kyun Chor Jati Hai Maa Syed Raza Abbas Zaidi Lyrics 2023