Khuda Nighedaar Ya Ali Khuda Nighebaan Ya Ali 2023

Khuda Nighedaar Ya Ali Khuda Nighebaan Ya Ali Mir Hasan Mir.

Haye Tha Chehra Zakhmi Shikasta Pehlu Ajab Qayamat Ki Woh Ghari Thi.
Nabi Ki Beti Dam-e-Wasiyat Ali Se Jab Ro Ke Keh Rahi Thi.
Aye Mere Maula Chor Ke Tanha Jati Hai Ab Dukhtar-e-Nabi.

Gham Tumhara Syeda Ke Sath Jaye Ga.
Qabar Mein Tumhara Gham Mujhe Rulaye Ga.
Pursa Deney Bhi Tumhein Koi Na Aaye Ga.
Shehar-e-Madina Ghut Ke Hai Jeena.
Haye Ali Bekasi Teri.

Haye Aik Woh Din Tha Main Dulhan Ban Ke Aayi Thi.
Aap Ke Ghar Ne Meri Izzat Barhai Thi.
Mil Ke Mere Sath Yeh Basti Basai Thi.
Sham Se Pehle Aap Ke Ghar Se.
Fatima Khuda Ke Ghar Chali.

Dushman-e-Abu Turab Hain Yahan Tamam.
Tum Pe Aanch Aaye Gi Phir Bhi Na Aye Imam.
Fatima Ne Kar Diya Hai Aisa Intezam.
Haye Chand Se Betay Sadqay Tumharey.
Ab Yehi Hai Jholi Mein Meri.

Baba Aaye They Abhi Dobarah Aaein Gay.
Keh Rahe They Kalma Go Na Ab Sataein Gay.
Fatima Tumhein Hum Aaj Le Ke Jaein Gay.
Wadah Kiya Tha Baba Ne Jis Ka.
Aa Gayi Hai Ab Wohi Ghari.

Yaas Se Hain Dekhtey Mujhe Woh Bar Bar.
Haye Kar Liya Hussain Our Hasan Ko Main Ne Pyar.
Maut Kar Rahi Hai Fatima Ka Intezar.
Maa Ko Taraptay Dekhein Na Bachay.
Sansein Chal Rahi Hain Aakhri.

Ummat-e-Nabi Ne Mera Haal Yeh Kiya.
Jalta Dar Batool Par Gira Diya Gaya.
Taziyana Bhi Laga Hai Hath Bhi Utha.
Pehlu Shikasta Bazu Shikasta.
Fatima Tu Zakhm Ban Gayi.

Haye Zakhm Dekh Kar Mere Abhi Se Hain Nidhal.
Maa Ke Gham Mein Ho Gaya Hai Unn Ka Ghair Haal.
Baad Mere Betiyon Ka Rakhna Tum Khiyal.
Zainab-o-Kulsoom Hain Abhi Masoom.
Rah-e-Sham Door Hai Abhi.

Fatima Pe Ho Gayi Sitam Ki Inteha.
Haye Aap Se Chupayi Haye Main Ne Har Jafa.
Haye Ghurbaton Ka Hai Meri Gawah Mujtaba.
Aray Kaisay Bataon Kaisay Sunaon.
Fatima Kahan Kahan Giri.

Haye Dukhtar-e-Nabi Ko Qabar Mein Utar Kar.
Roye Murtaza Ali, :TAKALLUM: Iss Qadar.
Ho Gayi Tamam Qabar Aansoon Se Tar.
Haye Uth Ke Qabar Se Jab Ali Chaley.
Thi Yehi Sada Batool Ki.

Poet: :Mir Takallum Mir:
Noha Khuwan: :Mir Hasan Mir:
Noha Volume: :Mir Hasan Mir 2022-23:
Composition: :Mir Hasan Mir:

#KhudaNighedaarYaAli
#NohayLyrics
#tajpoint

Ayyam e Fatamiya Khuda Nighedaar Ya Ali Khuda Nighebaan Ya Ali

3 Jamadi Ul Sani New Noha Khuda Nighedaar Ya Ali Khuda Nighebaan Ya Ali

Khuda Nighedaar Ya Ali Khuda Nighebaan Ya Ali 2023