Main Mohsin Hun Pehlu Shikasta Maa Safi Raza Lyrics In Urdu and Roman Urdu
مَیں محسنؑ ہوں
Main Mohsin Hoon.
Meri Pehlu Shikasta Maa, Main Mohsin Hoon, Main Mohsin Hoon.
Yeh Kalma Go Meri Amma Tumhein Kitna Satatay Hain.
Jo Dar Rashk-e-Dar-e-Janat Hai Oss Dar Ko Jalatay Hain.
Yeh Sach Hai Main Abhi Dunya Mein Aaya Tu Nahi Phir Bhi.
Tumhare Dard Mujh Ko Khon Ke Aanso Rolatay Hain.
Marey Opar Sitamgar Ne Qayamat Kaisi Dhayi Hai.
Wiladat Hone Se Pehle Shahadat Main Ne Payi Hai.
Qasam Mazlomiyat Ki Aisa Main Mazloom Hoon Amma.
Meri Mazlomiyat Pe Ghamzada Sari Khudai Hai.
Marey Jaisa Koi Mazloom Dunya Mein Nahi Hoga.
Meri Mazlomiyat Pe Gulistaan Ka Gulistaan Roya.
Main Ik Aisi Kali Hoon Jo Abhi Khilney Na Payi Thi.
Keh Dast-e-Zulm-e-Ummat Ne Ossay Aa Kar Masal Dala.
Musalmano Ne Aakhir Mujh Pe Kaisa Zulm Dhaya Hai.
Keh Mera Batan-e-Madar Mein Musalsal Dil Dukhaya Hai.
Beayyie Zanb Ki Aayat Ka Main Misdaq-e-Akmal Hoon.
Mera Dunya Mein Aane Se Bhi Pehle Khoon Bahaya Hai.
Ghata Zulm-o-Sitam Ki Kaisi Chayi Aye Meri Amma.
Keh Tum Bain Dar-o-Dewar Aayi Aye Meri Amma.
Tumhari Pasliyaan Kuch Iss Tarha Totein Keh Oss Lamha.
Marey Kano Talak Aawaz Aayi Aye Meri Amma.
Ghadeer-e-Khum Se Yeh Kaisi Daga Ki Hai Iss Ummat Ne.
Marey Opar Musalsal Kyun Jafa Ki Hai Iss Ummat Ne.
Main Nana Se Sar-e-Mehshar Yehi Pochon Ga Aye Amma.
Mujhe Kis Jurm Ki Aakhir Saza Di Hai Iss Ummat Ne.
Sitamgaron Ne Yeh Kaisa Tamacha Tum Ko Mara Hai.
Tumhare Kan Zakhmi Hain Zameen Par Goshwarah Hai.
Waram Hathoon Pe Hain Our Pasliyaan Sari Shikasta Hain.
Meri Aankhon Mein Aye Amma Har Ik Khoni Nazara Hai.
Wilayat Merey Baba Ki Bachaney Ke Liye Madar.
Shikasta Pehlu Thamay Tum Gayi Ummat Ke Har Dar Par.
Wilayat Ki Hifazat Ke Liye Gar Waqt Aaye Ga.
Tu Main Nana Mujahid Bhi Fida Ho Jaon Ga Barh Kar.
Muhiban-e-Ali Ko Yeh Mera Unwan De Dena.
Qayamat Tak Ke Har Ik Dard Ka Darman De Dena.
Meri Maa Ke Shikasta Pehlu Ki Tum Ko Qasam Shiyo!
Wilayat Ke Liye Tum Sab Bhi Apni Jan De Dena.
Poet: :Maulana Hasan Raza Banarsi:
Noha Khowan: :Syed Safi Raza:
Noha Volume: :Syed Safi Raza 2022-23:
Composition: :Raza Shah:
#MainMohsinHun
#NohayLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
